இந்த காய்கறிகளை ஒருபோதும் பிரிட்ஜில் வைக்க வேண்டாம்!

சில வகையான உணவு பொருட்களை பிரிட்ஜில் வைக்க கூடாது. அப்படி வைத்தால் அதன் இயற்கையான சுவை மற்றும் தன்மை மாற வாய்ப்புள்ளது.

வீட்டில் உள்ள பிரிட்ஜ் உணவை சேமிப்பதற்கான ஒரு தேர்வாக உள்ளது. அதில் வைக்கப்படும் உணவுகள் கெட்டுப்போகாமல் நீண்ட நேரம் புத்துணர்ச்சியுடன் இருக்கும். ஆனால் சில பொருட்கள் பிரிட்ஜில் வைக்க உகந்ததல்ல.  பிரிட்ஜில் வைக்க கூடாத உணவு பொருட்களை பற்றி தெரிந்து கொள்வோம்.

பூண்டு - கூடுதல் ஈரப்பதம் காரணமாக குளிர்சாதன பெட்டியில் சேமிக்கப்படும் போது பூண்டு விரைவாக கெட்டுவிடும். அறை வெப்பநிலையில் மற்றும் வெளிச்சத்திலிருந்து விலகி, நல்ல காற்று சுழற்சியுடன் உலர்ந்த இடத்தில் வைப்பது நல்லது.

நட்ஸ் - நட்ஸை அடுத்த சில வாரங்கள் பயன்படுத்த திட்டமிட்டால், அவற்றை அலமாரியில் காற்று புகாத டப்பாக்களில் சேமித்து வைப்பது நல்லது. இருப்பினும், அவை ஒரு மாதத்திற்கு மேல் கெட்டுப்போகாமல் இருக்க வேண்டும் என்றால், குளிர்சாதன பெட்டியில் வைக்கவும். 

தேன் - குளிர்சாதன பெட்டியில் தேனை வைக்காதீர்கள். அவற்றை அதில் வைப்பதில் எந்த பயனும் இல்லை. எனவே நீங்கள் பயன்படுத்துவதற்கு முன்பு அதை சூடேற்ற வேண்டும்.

வெங்காயம் - முழு வெங்காயம் ஏற்கனவே ஈரப்பதமாக இருக்கும். மேலும் நீண்ட நேரம் குளிர்சாதன பெட்டியில் வைத்திருந்தால் கெட்டுவிடும். இருப்பினும், வெங்காயத்தை வெட்டியவுடன் ஒரு டப்பாவில் வைத்து குளிர்சாதன பெட்டியில் வைக்க வேண்டும்.

ஆலிவ் எண்ணெய் - குளிர்சாதனப்பெட்டியில் எண்ணெயை சேமிப்பது எப்போதும் நல்லதில்லை. அவற்றை நல்ல அறை வெப்பநிலையில் வைப்பது நல்லது.  சமையலறை அலமாரியில் வைப்பது சிறந்தது.  

உருளைக்கிழங்கு - குளிர்ந்த வெப்பநிலை உருளைக்கிழங்கின் மாவுச்சத்தை சர்க்கரையாக மாற்றுகிறது, இது தீங்கு விளைவிக்கும். உருளைக்கிழங்குகள் சூரிய ஒளி படாத இடத்தில், கழுவாமல், சேமிக்கப்பட வேண்டும். சமைத்த உருளைக்கிழங்கை மட்டுமே குளிர்சாதன பெட்டியில் சேமிக்க வேண்டும்.

இனிப்பு உருளைக்கிழங்கு - உருளைக்கிழங்கைப் போலவே, இனிப்பு உருளைக்கிழங்கை குளிர்சாதன பெட்டியில் சேமித்து வைப்பது அதன் அமைப்பையும் சுவையையும் கெடுக்கும். இனிப்பு உருளைக்கிழங்கு நன்கு காற்றோட்டமான இடத்தில் சேமிக்கப்பட வேண்டும்.

ரொட்டி - உருளைக்கிழங்கு மற்றும் இனிப்பு உருளைக்கிழங்குகளைப் போலவே, குளிர்ந்த வெப்பநிலை ரொட்டியின் கட்டமைப்பை மாற்றுகிறது.  நீண்ட நாட்கள் ரொட்டி இருக்க வேண்டும் என்றால் மட்டும் அவற்றை குளிர்ந்த வெப்பநிலையில் வைக்கவும்.

பூசணிக்காய்கள் - பூசணிக்காய் இருண்ட, உலர்ந்த, நன்கு காற்றோட்டமான பகுதியில் சேமிக்கப்பட வேண்டும். குளிர்சாதனப்பெட்டியில் வைப்பதால் அவை வேகமாக அதன் தன்மை மாறும். நன்கு சேமிக்கப்பட்ட பூசணிக்காயை ஆறு மாதங்கள் வரை நீடிக்கும்.

மாம்பழம் - பழுக்காத மாம்பழங்களையும் அறை வெப்பநிலையில் சேமிக்க வேண்டும், ஏனெனில் குளிர் பழங்களை பழுக்க வைக்கும். 

காபி - காபி இயற்கையாகவே அதைச் சுற்றியுள்ள பொருட்களின் வாசனையைப் பெறுகிறது, எனவே குளிர்சாதன பெட்டி அதன் சுவையை சேதப்படுத்தும். இது ஒரு காற்று புகாத கொள்கலனில் வைக்கப்பட்டு அறை வெப்பநிலையில் சேமிக்கப்பட வேண்டும். 

முலாம்பழங்கள் - பழுக்காத மற்றும் வெட்டப்படாத முலாம்பழங்களை அடுப்படி அலமாரியில் வைக்கலாம். மேலும் இவற்றை குளிர்சாதனப்பெட்டியில் வைப்பது தேவையில்லாமல் இடத்தை அடைக்கும்.

கத்தரிக்காய் - குளிர்சாதன பெட்டியில் கத்தரிக்காய்களை வைப்பது அதன் இயற்கை தன்மையை சேதப்படுத்தும். கத்தரிக்காய்கள் உணர்திறன் கொண்ட காய்கறிகள். நேரடி சூரிய ஒளி படாமல் சேமித்து வைக்கலாம்.

கேக் - கேக் அதிக குளிர்ச்சியாக இல்லாவிட்டால் மிகவும் சுவையாக இருக்கும். கேக் புதியதாக இருக்க, காற்று புகாத டப்பாக்களில் இரண்டு நாட்களுக்குப் வைத்திருக்கலாம். கேக் மேல் புதிய கிரீம் நிரப்பப்பட்டிருந்தால், நீங்கள் அதை குளிர்சாதன பெட்டியில் வைக்க வேண்டும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ