Gold Rate Today: சற்றே குறைந்தது தங்கத்தின் விலை, நிலவரம் இதோ

இன்று காலை நிலவரப்படி, சென்னையில் ஆபரணத் தங்கத்தின் விலை ஒரு கிராமுக்கு ரூ. 11 குறைந்து ரூ. 4,440 ஆக உள்ளது. 

Written by - ZEE Bureau | Last Updated : Sep 11, 2021, 11:44 AM IST
Gold Rate Today: சற்றே குறைந்தது தங்கத்தின் விலை, நிலவரம் இதோ

Gold rates today, September 11, 2021: கொரோனா தொற்று நமது வாழ்வின் பலவித அம்சங்களையும் மாற்றியுள்ளது. எனினும், பெரும் மாற்றம் ஏற்படாத ஒரு சில விஷயங்களில் தங்க முதலீடும் ஒன்றாகும். உலகளவில் பொருளாதாரத்தில் நிலவி வரும் ஸ்திரமற்ற தன்மையால், முதலீட்டாளர்கள் பங்குச் சந்தை, ரியல் எஸ்டேட், பாண்டுகள் என இருந்த தங்கள் முதலீடுகளை தங்கத்தின் பக்கம் திருப்பி வருகின்றனர். 

உலகளாவிய ஸ்திரமற்ற தன்மை, சந்தையில் உள்ள ஏற்ற இறக்கங்கள் காரணமாக தங்கம் விலை (Gold rate) தொடர்ந்து சில நேரம் ஏற்றத்தையும் சில நேரம் வீழ்ச்சியையும் கண்டு வருகின்றது.

இன்று காலை நிலவரப்படி, சென்னையில் ஆபரணத் தங்கத்தின் விலை ஒரு கிராமுக்கு ரூ. 11 குறைந்து ரூ. 4,440 ஆக உள்ளது. ஒரு சவரன் ஆபரணத் தங்கம் ரூ. 88 குறைந்து ரூ. 35,250-க்கு விற்பனையில் உள்ளது. 18 காரட் தங்கம் ரூ. 3,637-க்கும் 14 காரட் தங்கம் ரூ. 2,881-க்கும் விற்பனை ஆகிறது

இன்று காலை நிலவரப்படி ஒரு கிராம் வெள்ளி ரூ. 68.00 க்கும் ஒரு கிலோ வெள்ளி 68,000 ரூபாயிலும் விற்பனையாகிறது. 

ALSO READ: அதிர்ச்சி கொடுத்த தங்கம்: ஒரே நாளில் ரூ. 144 உயர்ந்தது!!

தேசிய அளவில் டெல்லி, சென்னை, கொல்கத்தா மற்றும் மும்பையில் தங்கத்தின் விலை இன்று அதிகரித்துள்ளது. இன்று காலை நிலவரப்படி, பெங்களூருவில் 10 கிராம் 22 கேரட் தங்கத்தின் விலை ரூ. 44,100 ஆகவும் 10 கிராம் 24 கேரட் தங்கத்தின் விலை ரூ. 48,110 ஆகவும் உள்ளது.

ஹைதராபாத், திருவனந்தபுரம், விசாகப்பட்டினம் ஆகிய நகரங்களிலும் இதே நிலவரம் உள்ளது. 

வெள்ளி விலை (Silver Rate) , ஹைதராபாத் மற்றும் விசாகப்பட்டினத்தில் ரூ. 68,500 ஆகவும் பெங்களூரு மற்றும் திருவனந்தபுரத்தில் ரூ. 64,200 ஆகவும் உள்ளது. 

சர்வதேச சந்தை நாணய விலை மாற்றம், பணவீக்கம், மத்திய வங்கிகளில் தங்க இருப்பு, அவற்றின் வட்டி விகிதம், நகை சந்தை, புவியியல் பதற்றம், வர்த்தகப் போர்கள் மற்றும் பல காரணிகள் தங்கத்தின் விலையை பாதிக்கும்.

தேசிய அளவில் தங்கத்தின் விலை பற்றி பல ஊகங்கள் உள்ளன. எனினும், உலகெங்கிலும் உள்ள பல பொருளாதார நிபுணர்கள், தங்கத்தின் மீது நேர்மறையான அணுகுமுறையையே கொண்டுள்ளனர். அடுத்த மூன்று முதல் ஐந்து ஆண்டுகளில் தங்கம் ஒரு அவுன்ஸ் 3,000-5,000 டாலராக உயரும் என்று கணிக்கப்பட்டுள்ளது. தங்கத்தில் முதலீடு செய்ய விரும்புவோரது ஆர்வத்தை இது அதிகரித்துள்ளது.

ALSO READ: Gold from Water: அற்புதமான கண்டுபிடிப்பு! நீரிலிருந்து தங்கத்தை உருவாக்கி விஞ்ஞானிகள் சாதனை

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR

More Stories

Trending News