PPF Scheme Calculator: பொது வருங்கால வைப்பு நிதி (PPF) சிறு சேமிப்புத் திட்டத்தின் மிகவும் பிரபலமான முதலீட்டுத் திட்டமாகக் கருதப்படுகிறது. பொது வருங்கால வைப்பு நிதி, அதாவது PPF திட்டம் முதலீட்டிற்கு ஒரு சிறந்த வழி, இது முதலீட்டாளர்களுக்கு பல நன்மைகளை அளிக்கிறது.
எவ்வளவு முதலீடு செய்யலாம்
இதில், சிறந்த வட்டியுடன், வரி விலக்கு பலன் கிடைக்கும். இதில் முதலீடு செய்வதால் பணம் மூழ்கும் அபாயம் இல்லை, வருமானமும் உத்தரவாதமாக கிடைக்கும். PPF திட்டத்தில் முதலீடு செய்வதற்கு, எந்தவொரு கணக்கு வைத்திருப்பவரும் அருகில் உள்ள தபால் நிலையத்தில் கணக்கைத் திறந்து குறைந்தபட்சம் ரூ. 1000 முதல் அதிகபட்சம் ரூ. 1.5 லட்சம் வரை முதலீடு செய்யலாம்.
வரி விலக்கு உண்டு
PPF கணக்கு 15 ஆண்டுகளில் முதிர்ச்சியடைகிறது, தற்போது முதலீட்டாளர்களுக்கு 7.1 சதவிகிதம் வட்டி வழங்கப்படுகிறது. ஆனால் முதலீட்டாளருக்கு இடையில் பணம் தேவைப்பட்டால், அவர் பகுதியளவு திரும்பப் பெறும் விதியின்கீழ் 40 சதவிகித தொகையை திரும்பப் பெறலாம். இதில் முதலீடு செய்யப்படும் தொகைக்கு 80சி கீழ் வரி விலக்கு பலன் கிடைக்கும். https://zeenews.india.com/tamil/business-news/ppf-scheme-may-not-useful-...
இந்த திட்டத்தின் முதலீடு EEE பிரிவில் வைக்கப்பட்டுள்ளது. அதாவது உங்கள் முதலீடு, வட்டி மற்றும் முதிர்வுத் தொகை ஆகிய மூன்றும் முற்றிலும் வரி விலக்கு. சரியான திட்டத்துடன் பிபிஎஃப் கணக்கில் முதலீடு செய்தால், முதலீட்டாளர் கோடீஸ்வரராகலாம். இதுகுறித்த கணக்கீட்டை இங்கு தெரிந்துகொள்ளலாம்.
- ஒவ்வொரு மாதமும் 9 ஆயிரம் ரூபாய் முதலீடு செய்தால், அது ஒரு நாளைக்கு 300 ரூபாய் வரும். PPF கணக்கில் 9 ஆயிரம் ரூபாய் மாதாந்திர முதலீடு செய்வது தற்போதைய 7.1% வட்டி விகிதத்தில் 15 ஆண்டுகளில் 29.2 லட்சமாக உயரும் என்று PPF கால்குலேட்டர் காட்டுகிறது.
- 7.1% வட்டி விகிதத்தில் 20 ஆண்டுகளில் மாதம் ரூ.9 ஆயிரம் முதலீடு செய்தால், மொத்த முதிர்வுத் தொகை ரூ.47.9 லட்சமாகவும், 25 வருட முதலீட்டில் இந்தத் தொகை ரூ.74.2 லட்சமாகவும் மாறும். அதேசமயம், 30 ஆண்டுகளுக்கு ஒவ்வொரு மாதமும் ரூ.9 ஆயிரம் முதலீடு செய்தால், முதிர்வுத் தொகை ரூ.1.11 கோடியாக இருக்கலாம்.
அதேபோல், மாதம் ஒன்றுக்கு ரூ.9 ஆயிரம் பங்களிப்புடன் கூடிய பிபிஎஃப் கணக்கில், 7.1% வட்டியுடன், முதிர்வுத் தொகை 35 ஆண்டுகளில் ரூ.1.63 கோடியாகவும், 40 ஆண்டுகளில் ரூ.2.36 கோடியாகவும் அதிகரிக்கிறது. அதாவது ஒரு முதலீட்டாளர் 20 வயதில் இருந்து PPF திட்டத்தில் முதலீடு செய்யத் தொடங்கினால், 60 வயதில் ஓய்வு பெறும் போது, அவருடைய கணக்கில் 2.36 கோடி ரூபாய் இருக்கும்.
மேலும் படிக்க | PPF முதலீட்டாளர்கள் இதை உடனே செய்யுங்கள்... இல்லாவிட்டால் பிரச்னை தான்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
