Kalki 2898 AD Movie OTT Release : சமீப நாட்களில் வெளியான படங்களில் மக்களின் மனதினை அதிகம் கவர்ந்த படங்களுள் ஒன்று, கல்கி 2898 ஏடி. இதில் பிரபாஸ் கதாநாயகனாக நடிக்க, அவருடன் சேர்ந்து தீபிகா படுகோன், திஷா பதானி, அமிதாப் பச்சன், கமல்ஹாசன் உள்ளிட்ட பலர் நடித்திருந்தனர். இப்படம், மகாபாரத கதையின் மறு உருவாக்கம் போல எடுக்கப்பட்டிருந்ததாக கருத்துகளும் வெளியானது.
மக்களை கவர்ந்த கல்கி!
கல்கி 2898 ஏடி திரைப்படத்தை நாக் அஷ்வின் இயக்கியிருந்தார். நடிகர் பிரபாஸ், பாகுபலி படத்திற்கு பிறகு ஜாலியாக நடித்திருந்த படம் இது. இவருடன் படம் முழுவதும் கூடவே பயணிக்கும் ‘புஜ்ஜி’ என்ற காருக்கு வாய்ஸ் கொடுத்திருந்தார் நடிகை கீர்த்தி சுரேஷ். போதாக்குறைக்கு பான் இந்திய நடிகர்களை எல்லாம் படத்தில் இறக்கியிருந்தனர். புராணத்தில் கதையான மகாபாரத கதையை தழுவி, அதே போன்ற போர் டிஸ்டோப்பியன் காலக்கட்டத்தில் நடைபெறுவது போல எடுக்கப்பட்டிருந்த கல்கி 2898 ஏடி திரைப்படம் மக்களை வெகுவாக கவர்ந்திருந்தது. கிராஃபிக்ஸ் காட்சிகள், கதையமைப்பு, திரைக்கதை, வசனங்கள், இயக்கம், பாடல்கள் மற்றும் பின்னணி இசை என அனைத்தும் மக்களை பெரிதாக ஈர்த்திருக்கிறது. இப்படத்திற்கு சந்தாேஷ் நாராயணன் இசையமைப்பாளர் என்பது குறிப்பிடத்தக்கது.
ஓடிடியில் ரிலீஸ்!
இப்போது வெளியாகும் பல படங்கள் ஓடிடியில் வெளியாவது வாடிக்கையாகி வருகிறது. அந்த வகையில், கடந்த ஜூன் மாதம் 27ஆம் தேதி வெளியான கல்கி 2898 ஏடி திரைப்படத்தின் ஓடிடி ரிலீஸ் குறித்த தகவலும் தற்போது வெளியாகி இருக்கிறது. கல்கி 2898 ஏடி திரைப்படத்தின் டிஜிட்டல் உரிமையை இந்தியாவின் பிரபல ஓடிடி நிறுவனமான அமேசான் ப்ரைம் பெற்று இருப்பதாகவும் மொத்தம், சுமார் ரூ.375 கோடி ரூபாய் இதற்கு விலையாக கொடுக்கப்பட்டிருப்பதாகவும் கூறப்படுகிறது. இருப்பினும் இது குறித்த அதிகாரப்பூர்வ தகவல்கள் இன்னும் எதுவும் வெளியாகவில்லை. படம், வரும் செப்டம்பர் மாதத்தின் இறுதியில் ஓடிடியில் வெளியாகும் என எதிர்பார்க்கப்படுகிறது. தியேட்டர்களில் வெளியானது போல ஓடிடியிலும் தமிழ், தெலுங்கு, மலையாளம், கன்னடம் மற்றும் இந்தி உள்ளிட்ட மொழிகளில் இப்படம் வெளியாகும் என எதிர்பார்க்கப்படுகிறது.
மேலும் படிக்க | 600 கோடியில் எடுக்கப்பட்ட கல்கி 2898 AD படம் எப்படி இருக்கு? திரைவிமர்சனம்!
மொத்த வசூல் எவ்வளவு?
நடிகர் பிரபாஸிற்கு தென்னிந்திய அளவில் மட்டுமல்ல, உலகளவில் அதிகமான ரசிகர்கள் இருப்பதாக கூறப்படுகிறது. இந்த ரசிகர் கூட்டம், பாகுபலி படத்திற்கு பிறகுதான் சேர்ந்ததாகவும் பேசப்படுகிறது. இதனாலேயே பிரபாஸின் படங்கள் வெளியானாலும், அவை இந்தியாவில் பெரிய அளவில் வரவேற்பை பெறவில்லை என்றால் கூட உலகளவில் நல்ல வசூலை பெரும். அப்படி, கல்கி படமும் நல்ல வசூலை பெற்றிருக்கிறது. முதல் நாளிலேயே இதன் வசூல் உலகளவில் ரூ.100 கோடியை தாண்டியதாக கூறப்பட்ட நிலையில் ரிலீஸாகி சில நாட்கள் ஆகியிருக்கும் நிலையில் இப்படம் சுமார் ரூ.900 கோடியை இதுவரை கடந்திருப்பதாக கூறப்படுகிறது. பிரபாஸின் படங்கள் சமீப காலமாக தோல்வியுற்று வந்த நிலையில், இப்படம் நல்ல விமர்சனத்துடன் சேர்த்து நல்ல வசூலையும் பெற்றிருக்கிறது.
கல்கி படத்தில் துல்கர் சல்மான், விஜய் தேவரகொண்டா, மிருணாள் தாகூர் உள்ளிட்ட பலர் கேமியோ கதாப்பாத்திரங்களில் நடித்திருக்கின்றனர். தமிழகத்திலும் வெற்றிநடை போட்டு வரும் கல்கி படத்தை பார்க்க வார இறுதி நாட்களில் ரசிகர்கள் திரையரங்குகளுக்கு படையெடுத்து வருகின்றனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
