திருத்தப்பட்ட குடியுரிமைச் சட்டத்தின் மீதான தற்போதைய போராட்டத்தின் மத்தியில், பிரதமர் நரேந்திர மோடி திங்களன்று #IndiaSupportsCAA என்ற ஹேஷ்டேக்குடன் சர்ச்சைக்குரிய குடியுரிமை திருத்தச் சட்டத்திற்கு (CAA) ஆதரவு சேகரிக்க ஒரு பிரச்சாரத்தை தொடங்கியுள்ளார்!
#IndiaSupportsCAA, என்ற ஹேஷ்டேக்குடன் பிரதமர் மோடி தனது அதிகாரப்பூர்வ ட்விட்டர் கைப்பிடியில் CAA துன்புறுத்தப்பட்ட அகதிகளுக்கு குடியுரிமை வழங்குவதைப் பற்றியது, யாருடைய குடியுரிமையையும் பறிப்பதைப் பற்றியது அல்ல என்று குறிப்பிட்டு பதிவு ஒன்றினை இட்டைள்ளார்.
"உள்ளடக்கம், கிராபிக்ஸ், வீடியோக்கள் மற்றும் பலவற்றிற்காக NaMo பயன்பாட்டில் உள்ள தன்னார்வ தொகுதியின் உங்கள் குரல் பிரிவில் இந்த ஹேஷ்டேக்கை (#IndiaSupportsCAA) பாருங்கள். குடியுரிமை திருத்தச் சட்டத்திற்கு (CAA)-க்கான உங்கள் ஆதரவைப் பகிர்ந்து கொள்ளுங்கள் & காட்டுங்கள்”, என்றும் தனது ட்விட்டில் அவர் பதிவிட்டுள்ளார்.
#IndiaSupportsCAA because CAA is about giving citizenship to persecuted refugees & not about taking anyone’s citizenship away.
Check out this hashtag in Your Voice section of Volunteer module on NaMo App for content, graphics, videos & more. Share & show your support for CAA..
— narendramodi_in (@narendramodi_in) December 30, 2019
மேலும், ஆன்மீகத் தலைவர் சத்குரு ஜாகி வாசுதேவ் இடம்பெறும் ஒரு வீடியோவையும் அவர் ட்வீட் செய்துள்ளார், இந்த வீடியோவில் அவர் "CAA தொடர்பான அம்சங்களைப் பற்றிய தெளிவான விளக்கத்தை" அளிக்கிறார். மேலும் "குடியுரிமை திருத்தச் சட்டத்திற்கு (CAA) மற்றும் NRC குறித்த தவறான புரிதல் மற்றும் வதந்திகளுக்கு முற்றுப்புள்ளி வைக்க வேண்டும்" எனவும் தெரிவித்துள்ளார்.
பாகிஸ்தான், பங்களாதேஷ் மற்றும் ஆப்கானிஸ்தானில் துன்புறுத்தப்பட்ட மத சிறுபான்மையினருக்கு புலம் பெயர்ந்தவர்களுக்கு இந்திய குடியுரிமை வழங்கும் குடியுரிமை திருத்தச் சட்டம், தற்போது நாடெங்கிலும் போராட்டங்களுக்கு வழிவகுத்துள்ளது. காங்கிரஸ், இடது சாரிகள் உள்ளிட்ட எதிர்கட்சிகள் இந்த சட்டத்திற்கு எதிராக குரல் எழுப்பி வருகின்றனர், எனினும் தங்களது நடவடிக்கைகளில் இருந்து பின்வாங்கும் முடிவு இல்லை என மத்திய அரசு திட்டவட்டமாக தெரிவித்துள்ளது. மேலும் காங்கிரஸ் தலைமையிலான பொய் போராட்டக்காரர்கள் மக்கள் மத்தியில் தவறான புரிதலை ஏற்படுத்தி வருகின்றனர் எனவும் குற்றம்சாட்டி வருகிறது.
இதனிடையே இந்திய அரசியலமைப்புக்கு எதிராக கொண்டுவரப்படும் இந்த குடியுரிமை திருத்த சட்டத்திற்கு தங்கள் மாநிலத்தில் அனுமதி இல்லை என கேரளா முதல்வர் பினராயி விஜயன், மேற்குவங்க முதல்வர் மம்தா பானர்ஜி, பஞ்சாப் முதல்வர் அமேரேந்திர சிங் ஆகியோர் பகிரங்கமாக தெரிவித்துள்ளனர்.
Do hear this lucid explanation of aspects relating to CAA and more by @SadhguruJV.
He provides historical context, brilliantly highlights our culture of brotherhood. He also calls out the misinformation by vested interest groups. #IndiaSupportsCAA https://t.co/97CW4EQZ7Z
— Narendra Modi (@narendramodi) December 30, 2019
இதனிடையே, இந்திய புலம்பெயர்ந்தோர் உறுப்பினர்கள் திருத்தப்பட்ட குடியுரிமைச் சட்டத்திற்கு தங்கள் ஆதரவைத் தெரிவிக்க நியூயார்க்கின் வெவ்வேறு இடங்களில் நிகழ்வுகளை நடத்தினர், மேலும் இது இந்திய அரசாங்கம் எடுத்த வரலாற்று நடவடிக்கை என்று குறிப்பிட்டன்னர்.
