நமது அன்றாட வாழ்வில் கிரகங்களின் தாக்கமும் பலனும் எப்போதும் இருக்கும். இந்த பலன் நமது ஜாதகத்தில் அவற்றின் ஸ்தானம் மற்றும் மற்ற கிரகங்களின் நிலை ஆகியவற்றின் படி சுபமாகவோ அல்லது அசுபமாகவோ இருக்கலாம். கிரகங்களின் சஞ்சாரமோ அல்லது ராசி மாற்றமோ அனைவரது வாழ்க்கையையும் பாதிக்கிறது. புத்தாண்டில், பல கிரகங்கள் தங்கள் இயக்கத்தையும் ராசியையும் மாற்றும். இந்த ராசி மாற்றம் கிரகத்தின் சஞ்சாரம் என்று அழைக்கப்படுகிறது. இம்முறை புத்தாண்டில் கும்ப ராசியின் அதிபதியான சனி பகவான் தனது ராசியை மாற்றப் போகிறார்.
இந்த புத்தாண்டில், ஜனவரி 17 ஆம் தேதி சனி பகவான் கும்ப ராசிக்கு பெயர்ச்சியாவார். அடுத்த இரண்டரை ஆண்டுகள் இங்கேயே இருப்பார். அதாவது, அடுத்த ஆண்டு முழுவதும் கும்பம் உட்பட பல ராசிகளில் சுப அல்லது அசுப பலன்களின் தாக்கம் இருக்கும். சில ராசிகளுக்கு சனிப்பெயர்ச்சியால் பல மிக நல்ல பலன்கள் கிடைக்கவுள்ளன. அந்த அதிர்ஷ்ட ராசிகளை பற்றி இந்த பதிவில் காணலாம்.
மேஷ ராசியினருக்கு அதிர்ஷ்டம் பிரகாசிக்கும்
தற்போது மேஷ ராசியில் ராகுவின் கோச்சாரம் உள்ளது. அடுத்த ஆண்டு வியாழன் மேஷ ராசியில் பிரவேசிப்பார். மேஷ ராசிக்கு பதினொன்றாம் வீட்டில் சனி பிரவேசிப்பார். இப்படிப்பட்ட சூழ்நிலையில் செல்வம், சொத்து ஆகிய விஷயங்களில் இந்த ராசிக்காரர்களின் அதிர்ஷ்டம் பிரகாசிக்கப் போகிறது. வேலையாக இருந்தாலும் சரி, வியாபாரமாக இருந்தாலும் சரி, முன்னேற்றப் பாதை திறக்கும். வருமானம் தொடர்ந்து உயரும் வாய்ப்புகள் உள்ளன.
மேலும் படிக்க | மேஷ ராசிக்கான 2023 வருட பலன்: கடின உழைப்பு இருந்தால் போதும்... உலகம் உங்கள் கையில்!
ரிஷப ராசிக்கு சுக்கிரனுடன் சனியின் நட்பின் பலன் கிடைக்கும்
சனி பகவான் ரிஷப ராசியின் ஜாதகத்தில் ஒன்பது மற்றும் பத்தாம் வீட்டிற்கு அதிபதியாக உள்ளார். அத்தகைய சூழ்நிலையில், சனியின் இந்த ராசி மாற்றத்தால், சனி உங்கள் பத்தாம் வீட்டிற்கு செல்வார். இதன் மூலம், நீங்கள் அதிர்ஷ்டத்தை பெறத் தொடங்குவீர்கள். இதுவரை தடைப்பட்டு வந்த உங்களின் வேலைகள் முடிவடையும். உங்கள் ராசிக்கு அதிபதி சுக்கிரன். சுக்கிரன் சனியின் நண்பராகக் கருதப்படுகிறார். அத்தகைய சூழ்நிலையில், இந்த இரு கிரகங்களின் நட்பு உங்களுக்கு நன்மை செய்யப் போகிறது.
கன்னி ராசிக்காரர்கள் எதிரிகளிடமிருந்து விடுபடுவார்கள்
சனியின் இந்த ராசி மாற்றம் உங்கள் ஜாதகத்தின் ஆறாம் வீட்டில் சஞ்சரிக்கும். அதன் பலனால் ஷஷ் யோகம் உருவாகிறது. இந்த யோகம் கன்னி ராசிக்காரர்களின் எதிரிகளை வெல்லும். சட்ட விஷயங்களில் வெற்றி வாய்ப்பு உண்டு. நோய்கள் விலகும். வலிமையும் தைரியமும் அதிகரிக்கும். இதனுடன், வேலை அல்லது வணிகத்திலும் வெற்றிக்கான வாய்ப்புகள் உள்ளன.
மகர ராசிக்காரர்களுக்கு வருமானம் அதிகரிக்கும்
இந்த சனிப் பெயர்ச்சியின் போது, சனி மகர ராசியின் ஜாதகத்தின் இரண்டாம் வீட்டில் சஞ்சரிப்பார். இதன் காரணமாக ஷஷ் யோகம் உருவாகும். மேலும் அதன் விளைவு காரணமாக, உங்கள் செலவுகள் கட்டுப்படுத்தப்படும். வருமானத்துடன் சேமிப்பும் அதிகரிக்கும். உங்கள் குடும்ப வாழ்க்கையில் நல்லிணக்கம் மேலோங்கும். உங்கள் சந்தோஷத்தை நீங்கள் பராமரித்தால், சனியின் ஆசீர்வாதம் உங்கள் மீது மழையாய் பொழியும். அதிர்ஷ்டம் உங்களுக்கு சாதகமாக இருக்கும்.
கும்ப ராசிக்காரர்களின் தலைவிதி மாறும்
சனியின் சஞ்சாரம் உங்கள் ராசிக்கு லக்ன வீட்டில் இருக்கும். இந்த மாற்றம் உங்கள் இயல்பு மற்றும் உங்கள் அதிர்ஷ்டத்தை மாற்றும். பழைய நோய்களில் இருந்து விடுதலை பெறுவீர்கள். மூதாதையர் சொத்துக்களுக்கு தீர்வு ஏற்படும். வாழ்க்கை துணையின் ஆதரவு கிடைக்கும். இதனுடன், இந்த காலகட்டத்தில் நீங்கள் கூட்டாண்மையில் ஏதேனும் வேலையைத் தொடங்கப் போகிறீர்கள் என்றால், லாபத்திற்கான வாய்ப்புகள் அதிகம் உள்ளன. தற்போது உங்கள் ராசியில் ஏழரை நாட்டு சனியின் தாக்கமும் தொடங்கும். இது ஏழரை நாட்டு சனியின் இரண்டாம் கட்டம் என்பதால் சனி உங்களை அதிகம் தொந்தரவு செய்ய மாட்டார். சிறுசிறு பிரச்சனைகள் வரலாம்.
மேலும் படிக்க | செவ்வாய் வக்ர நிவர்த்தி: ஜனவரி 15 முதல் 5 ராசிகளுக்கு ராஜயோகம், அமோகமான வாழ்க்கை
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
