Gas Cylinder Price Hike: சென்ற வாரம் எல்பிஜி சிலிண்டரின் (LPG Price Hike) விலை அதிகரிக்கூடும் தகவல் வெளியானது. இந்நிலையில், நாளுக்கு நாள் அதிகரித்து வரும் பெட்ரோல் டீசல் விலையை தொடர்ந்து, தற்போது கேஸ் சிலிண்டர் விலையும் அதிகரித்துள்ளது மக்களுக்கு அதிர்ச்சியை கொடுத்துள்ளது.
சென்னையில், வணிக பயன்பாட்டிற்கான LPG சிலிண்டர் (19 கிலோ) ரூ.268 உயர்ந்து 2133 ரூபாய்க்கு விற்பனை ஆகிறது. வீட்டு உபயோகத்திற்கான எல்பிஜி சிலிண்டர் விலை மாற்றபின்றி ரூ.915.50 க்கு விற்பனை ஆகிறது.
அதே போன்று பெட்ரோல் டீசல் விலைகளும் அதிகரித்துள்ளன. சென்னையில் பெட்ரோல் விலை இன்றைக்கு லிட்டர் ஒன்றுக்கு 31 காசுகள் அதிகரித்து ரூ.106.35க்கும் மற்றும் டீசல் விலை 34 காசுகள் அதிகரித்து ரூ.102.59க்கும் விற்பனை செய்யப்படுகிறது. இந்த விலை உயர்வு இன்று காலை முதல் அமலுக்கு வந்துள்ளது.
ALSO READ:இல்லத்தரசிகள் தலையில் இடி, சிலிண்டர் விலை மீண்டும் உயர்கிறதா?
பெட்ரோல், டீசல் விலையைத் (Petrol-Diesel Price) தினமும் உயர்த்தி வரும் கச்சா எண்ணெய் சுத்திகரிப்பு நிறுவனங்கள், சமையல் சிலிண்டர் விலையை அரசின் ஒப்புதலுக்குப் பின்பு தான் உயர்த்துகிறது. இதன் அடிப்படையில் சர்வதேச விலைக்கு நிகராக எரிவாயு விலையை உயர்த்த வேண்டிய கட்டாயத்தில் உள்ளது எரிவாயு நிறுவனங்கள்.
முன்னதாக அக்டோபர் 6ஆம் தேதி எல்பிஜி சிலிண்டர் (LPG Cylinder) விலை 15 ரூபாய் அதிகரிக்கப்பட்டு உள்ளது. ஜூலை மாதம் முதல் வீட்டில் பயன்படுத்தப்படும் 14.2 கிலோ சிலிண்டர் விலை கிட்டதட்ட 90 ரூபாய் உயர்த்தப்பட்டு உள்ளது.
ALSO READ:LPG CNG Prices Hike: உயர்கிறது CNG மற்றும் PNG விலை; வெளியான அதிர்ச்சித் தகவல்
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
