முக கவசம் இன்றி இனி வீட்டை விட்டு வெளியே வரக்கூடாது... மீறினால் தண்டனை...

கொரோனா வைரஸ் நிலைமையைக் கருத்தில் கொண்டு இனி வீடுகளில் இருந்து வெளியேறும் போதெல்லாம் முகமூடி அணிவது கட்டாயம் என்று சென்னை நகர குடிமை அமைப்பு திங்களன்று தெரிவித்துள்ளது.

Updated: Apr 14, 2020, 08:46 AM IST
முக கவசம் இன்றி இனி வீட்டை விட்டு வெளியே வரக்கூடாது... மீறினால் தண்டனை...
Representational Image

கொரோனா வைரஸ் நிலைமையைக் கருத்தில் கொண்டு இனி வீடுகளில் இருந்து வெளியேறும் போதெல்லாம் முகமூடி அணிவது கட்டாயம் என்று சென்னை நகர குடிமை அமைப்பு திங்களன்று தெரிவித்துள்ளது.

கொரோனா வைரஸின் பரவலை சரிபார்க்க ஏப்ரல் 30-ஆம் தேதி வரை தமிழக அரசு முழு அடைப்பை நீட்டித்துள்ள நிலையில் சென்னை நகர குடிமை அபைப்பின் இந்த உத்தரவு வெளியாகியுள்ளது. திங்கள் அன்று வெளியான அரசு குறிப்பு படி மாநிலத்தில் நேர்மறையான வழக்குகளின் எண்ணிக்கை 1,173-ஆக உயர்ந்துள்ளது, குறிப்பாக சென்னையில் மட்டும் 205-ஆக உள்ளது, இது அனைத்து மாவட்டங்களிலும் மிக உயர்ந்ததாகும்.

இந்நிலையில் சென்னையில் சில முன்னெச்சரிக்கை நடவடிக்கைகள் எடுக்கும் விதமாக, கிரேட்டர் சென்னை கார்ப்பரேஷன் மக்கள் தங்கள் வீடுகளை விட்டு வெளியேறியவுடன் கட்டாயமாக முகமூடிகளை அணிய வேண்டும் என்று கூறியதுடன், மீறப்பட்டால் நடவடிக்கை எடுப்பதாக எச்சரித்தது.

இதுதொடர்பான அறிவிப்பில், "அனைத்து நபர்களும் தங்கள் வீடுகளை விட்டு வெளியேறியவுடன் கட்டாயமாக முகமூடிகளை அணிய வேண்டும்" என்று மாநிலத்தின் மிகப்பெரிய குடிமை அமைப்பு தெரிவித்துள்ளது.

தொற்று நோய்கள் மற்றும் தமிழ்நாடு பொது சுகாதார சட்டங்களின் கீழ் இந்த உத்தரவு பிறப்பிக்கப்பட்டுள்ளது என்று சென்னை நகர குடிமை அமைப்பு தெரிவித்துள்ளது.

மேலும், "அத்தியாவசிய இயக்கத்திற்காக பாஸ் பெற்றவர்களும் முக மூடிகளை அணிய வேண்டும். முகமூடிகள் இல்லாமல் காணப்பட்டால், அவர்களின் இயக்க பாஸ்கள் ரத்து செய்யப்பட்டு, மூன்று மாதங்களுக்கு வாகனங்கள் அரசு கட்டுப்பாட்டில் எடுக்கப்படும். மேலும் இந்த உத்தரவு உடனடியாக நடைமுறைக்கு வரும்," என்றும் இந்த அறிவிப்பு கூறுகிறது.

முழு அடைப்பின் போது அத்தியாவசிய நோக்கங்களுக்காக பயணத்தை எளிதாக்க அதிகாரிகளால் இயக்க பாஸ் வழங்கப்படுகின்றன என்பது குறிப்பிடத்தக்கது.