Lok Sabha News

லோக்சபா காங்கிரஸ் எம்.பி.,க்கள் 6 பேர், 5 நாட்களுக்கு சஸ்பெண்ட் செய்யப்பட்டுள்ளனர். லோக்சபாவில் இன்று பூஜ்ய நேரத்தின் போது போபர்ஸ் ஊழல் விவகாரத்தை பாஜக எம்.பி.,க்கள் எழுப்பியதை கண்டித்து காங்கிரஸ் எம்.பி.,க்கள் அமளியில் ஈடுபட்டனர்.  இதற்கு லோக்சபா சபாநாயகர் அனுமதி மறுத்தார். இதனால் கோபமடைந்த காங்கிரஸ் எம்.பி.,க்கள் பேப்பரை கிழித்து எறிந்தனர்.  இதனையடுத்து தொடர்ந்து அமளியில் ஈடுபட்டு, அவை நடவடிக்கைகளுக்கு இடையூறு ஏற்படுத்தியதால் காங்கிரஸ் எம்.பி.,க்கள் 6 பேரையும் 5 நாட்களுக்கு சஸ்பெண்ட் செய்வதாக சுமித்ரா மகாஜன் தெரிவித்தார்.

பாகிஸ்தானில் தூக்கு தண்டனை விதிக்கப்பட்ட குல்பு‌ஷன் ஜாதவ் (வயது 46) விடுவிக்க மத்திய அரசு தேவையான அனைத்து நடவடிக்கைகளை எடுக்கும் என வெளியுறவு அமைச்சர் சுஷ்மா சுவராஜ் கூறியுள்ளார். கடந்த ஆண்டு மார்ச் 3-ம் தேதி பாகிஸ்தானின் பலுசிஸ்தான் மாகாணத்தில் இந்திய உளவு அமைப்பான ‘ரா’–வுக்காக உளவு பார்த்து வந்ததாக குல்பு‌ஷன் ஜாதவை பாகிஸ்தான் அதிகாரிகள் கைது செய்தனர்.கைது செய்யப்பட்ட குல்பு‌ஷன் ஜாதவ் மீதான வழக்கு பாகிஸ்தான் ராணுவ கோர்ட்டில் விசாரிக்கப்பட்டு வந்தது. இதில் அவருக்கு மரண தண்டனை விதித்து நேற்று தீர்ப்பளிக்கப்பட்டது. 

ஜிஎஸ்டி மசோதா நிறைவேற்றப்பட்டுள்ளதன் மூலம் நாடு புதிய மாற்றத்துக்கு வித்திட்டுள்ளதாக பிரதமர் நரேந்திர மோடி தெரிவித்துள்ளார்.    GST बिल पास होने पर सभी देशवासियों को बधाई | नया साल, नया कानून, नया भारत! — Narendra Modi (@narendramodi) March 29, 2017  

ஜிஎஸ்டி எனப்படும் சரக்கு மற்றும் சேவை வரி திருத்த மசோதா பார்லிமென்டில் விவாதம் நடந்தது. லோக்சபாவில் நடந்த விவாதத்தில் மசோதா குறித்த பயன்களை மத்திய நிதி அமைச்சர் அருண் ஜெட்லி விளக்கி உரையாற்றினார். இதையடுத்து ஜிஎஸ்டி திருத்த மசோதாவுடன் இணைந்த 4 மசோதாக்கள் லோக்சபாவில் நிறைவேற்ற திருத்தங்கள் வாரியாக குரல் ஒட்டெடுப்பு நடந்தது. இதில் முதலில் துணை 4 மசோதாக்களில் 2 மசோதாக்கள் நிறைவேற்றப்பட்டன. பின்னர் அனைத்து மசோதாக்களும் நிறைவேற்றப்பட்டன. நிறைவேற்றப்பட்ட 4 மசோதாக்கள்:

பாராளுமன்ற இரு அவைகளிலும் பா.ஜ.க. எம்.பி.க்கள் தவறாமல் ஆஜராக வேண்டும் என மோடி உத்தரவிட்டுள்ளார். டெல்லியில் இன்று நடைபெற்ற பா.ஜ.க. எம்.பி.க்கள் கூட்டத்தில் பேசிய பிரதமர் நரேந்திர மோடி கூறியதாவது:- போதுமான உறுப்பினர்களின் எண்ணிக்கை (கோரம்) இல்லாமல் அவை நடவடிக்கைகள் முடங்குவதை தவிர்க்கும் வகையில் பாராளுமன்றகூட்டம் நடைபெறும் போது இரு அவைகளிலும் பா.ஜ.க. எம்.பி.க்கள் தவறாமல் ஆஜராக வேண்டும் என உத்தரவிட்டார். பங்கேற்காத எம்.பி.,க்கள் வராததற்கான காரணத்தை தெரிவிக்க வேண்டும். 

மகப்பேறு சீர்திருத்த மசோதா 2016 மாநிலங்களவையில் நிறைவேற்றப்பட்டிருந்த நிலையில், வியாழக்கிழமை இந்த மசோதா மக்களவையில் நிறைவேற்றப்பட்டுள்ளது.

மக்களவை உறுப்பினர் இ அஹமத் பட்ஜெட் கூட்டத்தொடரின் போது நாடாளுமன்றத்தில் மயங்கி விழுந்தார்.

டெல்லியில் இன்று மாலை நடக்க உள்ள அனைத்துக்கட்சி கூட்டம் மற்றும் பார்லிமென்ட்டில் நடக்கும் பட்ஜெட் தாக்கல் இன்று நடைபெற உள்ளன.

எம்.பி.,க்கள் விவாதத்தில் ஈடுபட மட்டுமே உரிமை உண்டு. அமளியில் ஈடுபட உரிமையில்லை என ஜனாதிபதி பிரணாப் முகர்ஜி கூறியுள்ளார்.

பாராளுமன்றம் இன்று 2 வது நாளாக கூடியதும் கேள்வி நேரத்தை ஒத்தி வைத்து விட்டு ரூபாய் நோட்டு விவகாரம் குறித்து விவாதம் நடத்த வேண்டும் என்று காங்கிரஸ் உள்ளிட்ட எதிர்கட்சி உறுப்பினர்கள் வலியுறுத்தினர். ஆனால் சபாநாயகர் சுமித்ரா மகாஜன் இதற்கு அனுமதி அளிக்கவில்லை அவர் கேள்வி நேரத்தை தொடர்ந்து நடத்தினார். இதனால் காங்கிரஸ் உள்ளிட்ட எதிர்கட்சி உறுப்பினர்கள் சபையின் மையப் பகுதிக்கு வந்து அமளியில் ஈடுபட்டனர். மத்திய அரசுக்கு எதிராக அவர்கள் கோஷமிட்டனர்.

ஆம் ஆத்மி கட்சியின் பகவந்த் மான் பாராளுமன்றத்தை வீடியோ எடுத்து சமூக வலைதளத்தில் வெளியிட்ட விவகாரம் தொடர்பாக விசாரணை செய்ய 9 பேர்கள் கொண்ட குழுவை சபாநாயகர் சுமித்ரா மகாஜன் அமைத்து உள்ளார். 

குஜராத்தில் மாட்டுத்தோல் கடத்தியதாக தாழ்த்தப்பட்ட சமூகத்தை சேர்ந்த சிலர் கடுமையாக தாக்கப்பட்டனர். இந்த சம்பவம் பார்லிமென்டில் கடுமையாக எதிரொலித்தது. காங்கிரஸ் இந்த பிரச்னையை எழுப்பி அமளியில் ஈடுபட்டதால், ராஜ்யசபா அடுத்தடுத்து ஒத்திவைக்கப்பட்டது.

இன்று நாடாளுமன்ற மழைக்கால கூட்டத் தொடர் தொடங்கியது. அனைத்துக் கட்சிகளும் ஒத்துழைக்க வேண்டும் என பிரதமர் நரேந்திர மோடி கேட்டுக்கொண்டுள்ளார்.