பாலியல் குற்றச்சாட்டுகளுக்கு ஆளாகி கைது செய்யப்பட்டுள்ள ஆசிரியர் ராஜகோபாலனிடம் நடைபெற்று வரும் விசாரணையில் பல திடுக்கிடும் தகவல்கள் வெளிவந்து கொண்டிருக்கின்றன. பள்ளிக்கு செல்லும் மாணவிகளின் மன உளைச்சலுக்கு காரணமான ராஜகோபாலனுக்கு அதிகப்படியான தண்டனையை பெற்றுதர போலீசார் நடவடிக்கை எடுத்து வருகின்றனர்.
ஆசிரியர் ராஜகோபாலன் பற்றிய குற்றச்சாட்டுகள் பள்ளி நிர்வாகத்தை எட்டவிலையா? அல்லது குற்றச்சாட்டுகளுக்கு பள்ளி நிர்வாகம் செவிசாய்க்கவில்லையா? முழுமையான விசாரணை முடிந்தவுடன் அனைத்தும் தெளிவாகும். அதுவரை, வதந்திகளை பரப்பாமல் காத்திருப்போம்!
பத்ம சேஷாத்ரி பள்ளி விவகாரம் தொடர்பாக 3 நாட்களுக்குள் விசாரணையின் முழு அறிக்கையை தாக்கல் செய்ய தமிழக டிஜிபி திரிபாதிக்கு தேசிய குழந்தைகள் உரிமை பாதுகாப்பு ஆணையம் உத்தரவிட்டுள்ளது. மேலும் பாதிக்கப்பட்ட மாணவிகளுக்கு உளவியல் ஆலோசனை தரவும் ஆணையம் உத்தரவு.
ஆன்லைன் வகுப்பு நடத்துகிறேன் என்ற பெயரில் அரைகுறை ஆடையுடன் வந்து பாலியல் ரீதியாக தொடர்ந்து மாணவிகளை தொந்தரவு செய்த பத்மா சேஷாத்ரி பள்ளியின் ஆசிரியர் ராஜகோபாலனுக்கு 14 நாட்கள் காவல்.
பாலியல் துன்புறுத்தலில் சம்பந்தப்பட்டவர்களை விசாரித்து குற்றம் செய்தவர் மீதும், பள்ளி நிர்வாகத்தின் மீதும் உடனடியாக நடவடிக்கை எடுக்க கனிமொழி எம்.பி. வலியுறுத்தி உள்ளார்.
ஆசிரியர் மீதான குற்றச்சாட்டுகள் நிரூபிக்கப்பட்டால், அவருக்கு எதிராக தகுந்த நடவடிக்கை எடுக்கப்படும் என தமிழக கல்வித் துறை அமைச்சர் அன்பில் மகேஷ் பொய்யாமொழி செய்தியாளர்களிடம் தெரிவித்தார்.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
