Deep depression in Bay of Bengal: విశాఖపట్టణం: తెలుగు రాష్ట్రాలకు మరోసారి భారీ వర్షాలు తప్పేలా లేవు. బంగాళాఖాతంలో కొనసాగుతున్న వాయుగుండం తీవ్ర వాయుగుండంగా మారినట్టు వాతావరణ శాఖ అధికారులు తెలిపారు. మంగళవారం తెల్లవారిజామున నర్సాపూర్, విశాఖపట్నం మధ్య వాయుగుండం తీరం దాటే అవకాశాలు ఉన్నట్టు అధికారులు వెల్లడించారు. ఈ వాయుగుండం ప్రభావంతో తెలంగాణలో మంగళవారం భారీ నుంచి అతి భారీ వర్షాలు ( Heavy rain in Telangana ) కురవనున్నాయి. అలాగే రాయలసీమ, కర్ణాటక, దక్షిణ కొంకన్, గోవా, మధ్య మహారాష్ట్ర, మరాట్వాడ ప్రాంతాల్లోనూ భారీ వర్షాలు ( Heavy rainfall ) కురిసే అవకాశం ఉందని తుఫాన్ హెచ్చరికల కేంద్రం వెల్లడించింది. Also read : Heavy rain alert: హైదరాబాద్‌కి భారీ వర్షసూచన.. 3 రోజుల పాటు భారీ వర్షాలు
కోస్తాంధ్ర, ఒడిషా, మహారాష్ట్రలోని విదర్భలోనూ అక్కడక్కడా భారీ వర్షాలు కురవనున్నట్టు వాతావరణ శాఖ ( IMD ) స్పష్టంచేసింది. ఇప్పటికే ఉభయ గోదావరి జిల్లాలతో పాటు కృష్ణా, ప్రకాశం, గుంటూరు జిల్లాల్లో వాయుగుండం ప్రభావంతో విస్తారంగా వర్షాలు కురుస్తున్నాయి. మంగళవారం ఉదయం విశాఖపట్నం-నర్సాపూర్ మధ్య కాకినాడకు సమీపంలో ఈ వాయుగుండం తీరం దాటే అవకాశాలు ఉన్నాయి. 55-65 కిమీ నుండి 75 కి.మీ వరకు వేగంతో గాలులు వీచే అవకాశం ఉందని వాతావరణ శాఖ అధికారులు తెలిపారు. Also read : Sunil Narine's bowling: సునీల్ నరైన్ బౌలింగ్‌పై KKR స్పందన
తుపాన్ హెచ్చరికల ( Cyclone alerts ) నేపథ్యంలో తీర ప్రాంతంలో మత్స్యకారులు వేటకు వెళ్లరాదని అధికారులు హెచ్చరికలు జారీచేశారు. తీర ప్రాంత ప్రజలు అప్రమత్తంగా ఉండాల్సిందిగా అధికారులు సూచించారు. మరోవైపు తుఫాన్ ప్రభావిత ప్రాంతాల్లో అధికారులు సిద్ధంగా ఉండాల్సిందిగా ఏపీ ప్రభుత్వం ( AP govt ) స్పష్టంచేసింది. వాయుగుండం దిశను, పరిస్థితిని ఎప్పటికప్పుడు పర్యవేక్షిస్తున్నట్టు విపత్తుల శాఖ కమిషనర్ కన్నబాబు తెలిపారు. Also read : AP: భారీగా తగ్గుతున్న కరోనా పాజిటివ్ కేసులు
స్థానికం నుంచి అంతర్జాతీయం వరకు.. విద్య, వినోదం, రాజకీయాలు, క్రీడలు, హెల్త్, లైఫ్‌స్టైల్, సామాజికం, ఉపాధి.. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
