మాజీ పార్లమెంటు సభ్యురాలు, కాంగ్రెస్ పార్టీ మహిళా నాయకురాలు చెన్నుపాటి విద్య(84) ఇక లేరు. విజయవాడ పార్లమెంట్ స్థానం నుంచి రెండుసార్లు ఎంపీగా గెలిచిన విద్య శనివారం తెల్లజామున గుండెపోటుతో కన్నుమూశారు. ప్రముఖ నాస్తికవాది గోరా కుమార్తె అయిన చెన్నుపాటి విద్య రాజకీయాల్లో అంచలంచెలుగా ఎదిగి కాంగ్రెస్ పార్టీలో మహిళా నాయకురాలిగా తనకంటూ ఓ ప్రత్యేకమైన గుర్తింపు సంపాదించుకున్నారు.
మాజీ ఎంపీ చెన్నుపాటి విద్య మృతిపట్ల ఇరు రాష్ట్రాలకు చెందిన పలువురు కాంగ్రెస్, టీడీపీ సీనియర్ నేతలు తీవ్ర దిగ్భాంతి వ్యక్తంచేశారు. చెన్నుపాటి విద్య కుటుంబసభ్యులకు తమ ప్రగాఢ సానుభూతి తెలిపారు.
