Vizianagaram Train Accident Live Updates: విజయనగరం జిల్లాలో జరిగిన ఘోర ప్రమాదం అందరినీ కంటతడి పెట్టిస్తోంది. కొత్తవలస మండలం కంటకాపల్లి-అలమండ మధ్య ఆదివారం రాత్రి 7 సమయంలో పలాస ప్యాసింజర్ రైలు పట్టాలపై ఆగి ఉండగా.. వెనుక నుంచి విశాఖ-రాయగడ రైలును ఢీ కొట్టడంతో ఘోర ప్రమాదం సంభవించింది. పక్క ట్రాక్‌లో వెళుతున్న గూడ్స్‌ ట్రైన్‌పై బోగీలు దూసుకెళ్లడంతో ప్రమాద తీవ్రత మరింత పెరిగింది. ఈ ఘటనలో ఇప్పటివరకు 14 మంది మరణించగా.. 50 మందికి పైగా గాయాలు అయ్యాయి. ప్రమాదం గురించి సమాచారం అందుకున్న అధికారులు వెంటనే సహాయక చర్యలు చేపట్టారు. విద్యుత్ వైర్లు తెగిపోవడంతో రాత్రి వేళ ప్రమాద స్థలంలో చిమ్మ చీకట్లు కమ్ముకున్నాయి. క్షతగాత్రులు ఆర్తనాదాలతో ఆ ప్రాంతంలో భీతవాహ పరిస్థితి నెలకొంది. రైలు ప్రమాదం నేపథ్యంలో అధికారులు పలు రైళ్లను రద్దు చేశారు. ప్రధాని నరేంద్ర మోదీ, సీఎం జగన్ మోహన్ రెడ్డి రైలు ప్రమాదంపై తీవ్ర దిగ్భ్రాంతి వ్యక్తం చేశారు.
