టీడీపీ కార్యకర్తలపై దాడులు, అరెస్టులను అనేక సందర్భాల్లో... అనేక వేదికలపై ఖండించిన టీడీపీ జాతీయ ప్రదాన కార్యదర్శి నారా లోకేష్ ఈ అంశంపై మరో మారు ట్విట్వర్ వేదికగా స్పందించారు. ఈ సందర్భంగా టీడీపీ విద్యార్ధి విభాగానికి చెందిన వర్ధన్ పై కేసు నమోదు చేయడాన్ని తప్పుబట్టిన నారా లోకేష్ .. చివరికి విద్యార్థి మీద అక్రమ కేసులు పెట్టే స్థాయికి వైసీపీ సర్కార్ దిగజారిపోయిందని ఆరోపించారు.
ఈ సందర్బంగా ముఖ్యమంత్రి వైఎస్ జగన్ ను కోట్ చేస్తూ .... మీరెన్ని ఇబ్బందులకు గురిచేసినా.. నేనూ, మా పార్టీ వారు వర్ధన్ కి అన్ని విధాలుగా అండగా ఉంటామని లోకేష్ పేర్కొన్నారు. ఇలాంటి మీ పిరికిపంద చర్యలను తప్పకుండా తిప్పికొడతామన్నారు. ఈ ట్వీట్ కు ''మేం వర్థన్ కు సపోర్ట్ గా ఉంటాం '' ..'' మేం వర్థన్ తో ఉంటాం " అనే హ్యాట్ ట్యాగ్స్ పెట్టారు.
ఆఖరికి విద్యార్థి మీద అక్రమ కేసులు పెట్టే స్థాయికి మీ పార్టీ దిగజారిపోయిందా @ysjagan గారు? మీరెన్ని ఇబ్బందులకు గురిచేసినా.. నేనూ, మా పార్టీ వర్ధన్ కి అండగా ఉన్నాం. మీ పిరికిపంద చర్యలు తప్పకుండా తిప్పికొడతాం . #WeSupportVardhan #WeStandWithVardhan pic.twitter.com/YPfWR1OKIs
— Lokesh Nara (@naralokesh) July 27, 2019
