Apple Bonus: టెక్ దిగ్గజం, ఐఫోన్ల తయారీ సంస్థ యాపిల్ తమ ఉద్యోగులకు వర్క్ ఫ్రం హోంను మరికొంత కాలం కొనసాగించాలని (Apple on Work form Home) నిర్ణయించింది. అంతర్జాతీయంగా కరోనా కొత్త వేరియంట్ (ఒమిక్రాన్) భయాలు వెంటాడుతున్న నేపథ్యంలో ఈ నిర్ణయం తీసుకుంది.
యాపిల్ ఇంతకు ముందు తీసుకున్న నిర్ణయం ప్రకారం.. వచ్చే ఏడాది ఫిబ్రవరి 1 నుంచి ఉద్యోగులంతా ఆఫీసులకు తిరిగి రావాల్సి ఉంది. అయితే కరోనా భయాలు మళ్లీ పెరుగుతున్న (Corona Omicron variant) నేపథ్యంలో ఈ నిర్ణయంపై కంపెనీ వెనక్కి తగ్గింది.
అయితే తప్పనిసరి పనుల ఉద్యోగులకు మాత్రం ఆఫీసుకు రావాల్సి ఉంటుందని పేర్కొంది. వర్క్ ఫ్రం హోం ఎప్పటి వరకు కొనసాగుతుంది? అనే విషయంపై ఇంకా స్పష్టతనివ్వలేదు.
ఆ ఉద్యోగులకు 1000 డాలర్లు బోనస్..
వర్క్ ఫ్రం హోం కొనసాగిస్తున్న నేపథ్యంలో ఉద్యోగులకు 1000 డాలర్ల చొప్పున (దాదాపు రూ.76 వేలు) బోనస్గా (Apple Bonus) ప్రకటించింది యాపిల్. ఉద్యోగులు వర్క్ ఫ్రం కోసం సరైన ఏర్పాట్లు చేసుకునేందుకు ఈ బోనస్ ఇస్తున్నట్లు తెలిపింది.
రెండేళ్లుగా కొవిడ్ ఆంక్షల నడుమే...
దాదాపు రెండేళ్లుగా కొవిడ్ ఆంక్షల నడుమే చాలా సంస్థలు కార్యకలాపాలు సాగిస్తున్నాయి. అమెరికాలో కూడా దిగ్గజ కంపెనీలైన గూగుల్, ఫేస్బుక్ వంటి సంస్థలు కూడా వర్క్ ఫ్రం హోం పద్ధతిలోనే ఉద్యోగులతో పని చేయించుకుంటున్నాయి.
ఒమిక్రాన్ వేరియంట్ బయటపడక ముందు వరకు.. ఈ టెక్ దిగ్గజాలన్ని వచ్చే ఏడాది నుంచి ఉద్యోగులను చాలా వరకు ఆఫీస్ నుంచి పని చేసేలా చర్యలు తీసుకోవాలని నిర్ణయించాయి. ఇందుకోసం ఉద్యోగులకు వ్యాక్సినేషన్ తప్పనిసరి చేశాయి కూడా. రెండు డోసుల వ్యాక్సిన్ వేసుకోని వారికి వేతనాల చెల్లింపు నిలిపివేత వంటి నిర్ణయాలకు సిద్ధమయ్యాయి. కానీ ఒమిక్రాన్ వేరియంట్ రాకతో ఆ ప్రణాళికలన్నింటిని వాయిదా వేసుకున్నాయి.
Also read: Jio Rs 1 Plan: అతి చౌకైన ప్లాన్ ప్రవేశపెట్టిన జియో.. Rs.1 తో రీచార్జ్.. ఇందులో ఏం ఉండనున్నాయంటే..?
Also read: Todays Gold Rate: భారీగా పెరిగిన బంగారం ధర, దేశవ్యాప్తంగా వివిధ నగరాల్లో ఇవాళ్టి ధరలు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
