Gold-Silver Rate Today: బంగారం, వెండి ధరలు ఢమాల్..వరుసగా రెండో రోజు తగ్గిన ధరలు

Gold Price in Hyderabad : బంగారం కొనాలనుకునేవారికి శుభవార్త. బంగారం ధరలు భారీగా పతనం అవుతున్నాయి. వరుసగా రెండో రోజు కూడా బంగారం ధరలు తగ్గాయి.

Gold Price in Hyderabad :  శ్రావణమాసం వేలా విశేషం బంగారం ధరలు భారీగా తగ్గుముఖం పడుతున్నాయి. ఈ నెల ప్రారంభం నుంచి భారీగా పెరుగుతూ వచ్చిన బంగారం ధరలు, గడచిన రెండు రోజులుగా తగ్గుముఖం పడుతున్నాయి. ఆగస్టు 7వ తేదీన బంగారం ధర ఏకంగా 1000 రూపాయల వరకు తగ్గింది. ప్రస్తుతం బంగారం ధర ఆగస్టు 8 గురువారం తేదీ, 24 క్యారెట్ల 10 గ్రాముల బంగారం ధర రూ. 69,700 వద్ద స్వల్పంగా తగ్గింది. అలాగే 22 క్యారెట్ల 10 గ్రాముల బంగారం ధర రూ. 63,900 వద్ద స్థిరపడింది. బంగారం ధర గడచిన 48 గంటల్లోనే 1100 రూపాయలు తగ్గి పసిడి ప్రియులకు ఆనందాన్ని కలిగిస్తున్నాయి. 

అయితే దేశీయంగా పన్ను సుంకాలను తగ్గించడంతో బంగారం ధరలు గత నెల చివరిలోనే భారీగా తగ్గుముఖం పట్టాయి. గరిష్ట స్థాయి అయినా 75 వేల రూపాయల నుంచి బంగారం ధరలు 67 వేల రూపాయలకు పతనం అయ్యాయి. అయితే అంతర్జాతీయంగా నెలకొన్న పరిస్థితుల నేపథ్యంలో బంగారం ధరలు మళ్ళీ 10 గ్రాములకు గాను 4వేల రూపాయలు పెరిగింది. అయితే గడచిన 48 గంటల్లో బంగారం ధర 1100 రూపాయలు తగ్గింది.

బంగారం ధరలు భారీగా తగ్గడం వెనక అంతర్జాతీయంగా ఉన్నటువంటి పరిస్థితులే కారణంగా చెబుతున్నారు. దేశీయంగా పన్ను సుంకాలు తగ్గించడంతోపాటు అంతర్జాతీయంగా కూడా బంగారం ధరలు స్వల్పంగా తగ్గుముఖం పడుతున్నాయి. దీంతో దేశీయంగా ఉన్నటువంటి డిమాండ్ ఆధారంగా బంగారం ధరలు ఇక్కడ భారీగా తగ్గాయి.

మరోవైపు శ్రావణమాసం పెళ్లిళ్ల సీజన్ కూడా కావడంతో పసిడి ధరలు తగ్గుముఖం పట్టడంతో పసిడి ప్రియుల ఆనందానికి అవధులు లేకుండా పోతున్నాయి. అయితే శ్రావణమాసంలో పెళ్లిళ్ల సీజన్ నడుస్తోంది. ఆ తర్వాత వరుసగా పండుగలు కూడా ఉన్నాయి. దీంతో ఆభరణాలు డిమాండ్ భారీగా ఉండే అవకాశం ఉంటుంది. దీపావళి వరకు నగల షాపింగ్ జోరు తగ్గదని ఆభరణాల యాజమాన్య సంస్థలు తెలుపుతున్నాయి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.