What is TATA NEU: పారిశ్రామిక దిగ్గజం టాటా గ్రూప్ మార్కెట్లోకి సరికొత్త యాప్ను ఆవిష్కరించింది. యూపీఐ పేమెంట్స్, షాపింగ్, గ్రోసరీ, హోటల్స్, ఫ్లైట్ బుకింగ్స్ సహా అన్ని అవసరాలను ఓకే వేదికగా తీర్చుకునేందుకు వీలుగా ఈ మొబైల్ యాప్ను తీసుకొచ్చింది టాటా.
ముందుగా టాటా గ్రూప్ ఉద్యోగులకు మాత్రమే అందుబాటులో ఉన్న ఈ యాప్.. ఇకపై అందరికీ అందుబాటులోకి వచ్చింది. ఈ సూపర్ యాప్ను తొలిసారి పబ్లిక్గా ప్రమోట్ చేస్తోంది టాటా గ్రూప్. ఇప్పటికే ఇండియన్ ప్రీమియర్ లీగ్ టైటిల్ టాటా గ్రూప్ ఉన్న విషయం తెలిసిందే.
ఏమిటి ఈ టాటా న్యూ యాప్..?
ప్రస్తుతం మార్కెట్లో షాపింగ్ కోసం, గ్రోసరీ కోసం, టికెట్ బుకింగ్స్ కోసం, హోటల్స్ కోసం రకరకాల యాప్లు అందుబాటులో ఉన్నాయి. టాటా న్యూ యాప్లో ఆ అవసరాన్నింటికి ఏకైక వేదికగా నిలవనుంది. దీనితో రకరకాల యాప్లను డౌన్లోడ్ చేసుకోవడం వల్ల ఏర్పడే స్టోరేజ్ సహా ఆపరేటింగ్ ఇబ్బందుల నుంచి తప్పించుకోవచ్చు.
వాటిపై భారీ ఆఫర్లు..
టాటా న్యూ యాప్ ద్వారా.. టాటా గ్రూప్నకు చెందిన క్రోమా, విస్తారా, ఎయిర్ ఏషియా, ఎయిర్ ఇండియా, వెస్ట్సైడ్, క్లిక్ వంటి వాటి ద్వారా ఎలక్ట్రానిక్స్, దుస్తులు, విమాన టికెట్లు, మెడిసిల్స్ సహా ఇతర కొనుగోళ్లపై భారీ డిస్కౌంట్లు పొందొచ్చు.
కచ్చితమైన రివార్డ్..
టాటా న్యూ యాప్ ద్వారా జరిపే ప్రతి లావాదేవీకి కచ్చితమైన రివార్డ్ ఉంటుందని కంపెనీ తెలిపింది. ప్రస్తుత పేమెంట్ యాప్లను చూస్తే... బెటర్ లక్ నెక్ట్స్ టైమ్ వంటి సాకులు లేకండానే కచ్చితంగా రివార్డ్స్ ఉంటాయని వివరించింది.
పేమెంట్స్ అన్నింటికీ..
ప్రస్తుతం అందుబాటులో ఉన్న పేటీఎం, గూగుల్పే, ఫోన్పే వంటి వాటి మాదిరిగానే.. కిరాణా స్టోర్లు మొదలుకుని, స్టార్ హోటళ్లు, సూపర్ మార్కెట్లలో కూడా టాటా న్యూ యాప్ ద్వారా పేమెంట్స్ చేయొచ్చట.
చివరగా..
టాటా న్యూ ఒక్క యాప్.. అమెజాన్, ఫ్లిప్కార్ట్ వంటి ఈ-కామర్స్ దిగ్గజాలతో పాటు.. జియో మార్ట్ వంటి గ్రోసరీ, పేటీఎం, గూగుల్పే, ఫోన్పే వంటి పేమెంట్స్ యాప్లకు గట్టి పోటీ ఇవ్వనుందని అంచనాలు వస్తున్నాయి.
Also read: Realme GT 2 Pro: మార్కెట్లోకి రియల్మీ జీటీ 2 ప్రో- ఫీచర్లతో పాటు ఆఫర్లూ అదుర్స్
Also read: Zuck Bucks: మెటా నుంచి డిజిటల్ కరెన్సీ.. 'జుక్ బక్స్' పేరుతో..?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
