Tata Motors New Car Launch 2023: మార్కెట్‌లో సంచలనం సృష్టించనున్న టాటా.. త్వరలోనే 4 ఎస్‌యూవీలు రిలీజ్!

Tata Motors Upcoming Lanch Cars in India 2023. టాటా కంపెనీ త్వరలో 4 ఎస్‌యూవీలను మార్కెట్లోకి విడుదల చేయబోతోంది. విశేషమేమిటంటే ఇందులో ఓ సీఎన్‌జీ కారు కూడా ఉంది.

Tata Motors Upcoming Lanch Cars in India 2023: 'టాటా మోటార్స్' ప్రస్తుతం దేశంలో మూడవ అతిపెద్ద కార్ల విక్రయ సంస్థగా కొనసాగుతోంది. టాటా నెక్సాన్ కారు అత్యధికంగా అమ్ముడైన కారుగా కొనసాగుతోంది. టాటా కంపెనీ తన పోర్ట్‌ఫోలియోను నిత్యం విస్తరిస్తోంది. ఈ క్రమంలోనే టాటా కంపెనీ త్వరలో 4 ఎస్‌యూవీలను మార్కెట్లోకి విడుదల చేయబోతోంది. విశేషమేమిటంటే ఇందులో ఓ సీఎన్‌జీ కారు కూడా ఉంది. దాంతో టాటా కంపెనీ మార్కెట్‌లో ప్రకంపలను సృష్టించనుంది. ఆ 4 కార్ల జాబితాను ఓసారి చూద్దాం.

Tata Harrier and Safari Facelift:
2023 టాటా హారియర్ మరియు సఫారీ ఫేస్‌లిఫ్ట్ కోసం బుకింగ్‌లు ఇప్పటికే దేశంలో ప్రారంభమయ్యాయి. అడ్వాన్స్‌డ్ డ్రైవర్ అసిస్టెన్స్ సిస్టమ్ (ADAS) అతిపెద్ద అప్‌గ్రేడ్‌గా ఇందులో రానుంది. రెండు ఎస్‌యూవీలు కూడా 10.5-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 7-అంగుళాల సెమీ-డిజిటల్ ఇన్‌స్ట్రుమెంట్ క్లస్టర్ మరియు 360-డిగ్రీ కెమెరాను కలిగి ఉంటాయి. డిజైన్‌లో కూడా కొన్ని మార్పులు చేయనున్నారు. నవీకరించబడిన హారియర్ మరియు సఫారి 170bhp మరియు 350Nm ఉత్పత్తి చేసే 2.0L టర్బో డీజిల్ ఇంజన్‌ను కలిగి ఉంటాయి. ట్రాన్స్‌మిషన్ ఎంపికలలో 6-స్పీడ్ మాన్యువల్ మరియు ఆటోమేటిక్ గేర్‌బాక్స్ ఉంటాయి.

New Tata Nexon 2024:
ఇటీవలి మీడియా నివేదిక ప్రకారం.. 2023 టాటా నెక్సాన్ ఫేస్‌లిఫ్ట్ ఆగస్టు నాటికి మార్కెట్లోకి రానుంది. కాస్మెటిక్ మార్పులు ముందు భాగంలో చేయబడతాయి. అప్‌డేట్ చేయబడిన నెక్సాన్‌ను ADAS టెక్నాలజీతో రానుంది. కాంపాక్ట్ టాటా ఎస్‌యూవీ కొత్త హ్యారియర్ మరియు సఫారి నుంచి కొత్త టచ్‌స్క్రీన్ ఇన్ఫోటైన్‌మెంట్ యూనిట్‌ను తీసుకునే అవకాశం ఉంది. ఇది 1.2L పెట్రోల్ (125bhp/225Nm) మరియు 1.5L డీజిల్ ఇంజన్‌లను కలిగి ఉంటాయి.

Tata Punch CNG:
టాటా పంచ్ సీఎన్‌జీ 2023 ఆటో ఎక్స్‌పోలో ప్రదర్శించబడింది. ఇది రాబోయే నెలల్లో మార్కెట్లోకి రానుంది. ఇది సీఎన్‌జీ కిట్‌తో 1.2L, 3-సిలిండర్ పెట్రోల్ ఇంజన్‌తో అందించబడుతుంది. దాదాపు 70bhp - 75bhp శక్తిని మరియు 100Nm టార్క్‌ను విడుదల చేస్తుంది. ఇది మాన్యువల్ గేర్‌బాక్స్‌తో మాత్రమే అందించబడుతుంది. పంచ్ సీఎన్‌జీ కొత్త డ్యూయల్ సిలిండర్ లేఅవుట్‌ను కలిగి ఉంటుంది. ఈ కారు మంచి బూట్ స్థలాన్ని కలిగి ఉంటుంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.