Dulqer Salmaan - Aakasam lo Oka Tara: దుల్కర్ సల్మాన్ తెలుగులో కూడా మంచి క్రేజ్ సంపాదించుకున్నాడు. తెలుగులో నాగ్ అశ్విన్ దర్శకత్వంలో తెరకెక్కిన ‘మహానటి’ సినిమాలో జెమినీ గణేషన్ పాత్రలో నటించి మెప్పించారు. ఆ తర్వాత ‘సీతారామం’ సినిమాతో మంచి హిట్ అందుకున్నాడు. రీసెంట్ గా ప్రభాస్ హీరోగా నటించిన ‘కల్కి 2898 ఏడి’ మూవీలో ప్రభాస్ ను పెంచి పెద్ద చేసే గురువు పాత్రలో నటించి మెప్పించాడు. ఓ రకంగా పరశురాముడి పాత్ర అని చెబుతున్నారు. ప్రస్తుతం తెలుగులో ‘లక్కీ భాస్కర్’ మూవీతో పలకరించబోతున్నాడు. ఆ సంగతి పక్కన పెడితే.. తాజాగా ఈయన పవన్ సాధినేని దర్శకత్వంలో ‘ఆకాశంలో ఒక తార’ అంటూ ప్యాన్ ఇండియా ప్రాజెక్ట్ కు ఓకే చెప్పాడు.
ఈ సినిమాకు సంబంధించిన ఫస్ట్ లుక్ పోస్టర్ ను విడుదల చేశారు. ‘ఆకాశంలో ఒక తార’గా తెరకెక్కబోతున్న ఈ మూవీ పోస్ట‌ర్‌లో దుల్కర్ సల్మాన్ లుక్ సింపుల్‌గా క్యూట్ గా ఉంది. ఇందులో రైతు పాత్రలో కనిపించబోతున్నట్టు తెలుస్తుంది. అదే పోస్ట‌ర్‌లో ఓ అమ్మాయి స్కూల్ బ్యాగ్ వేసుకుని వెళ్లాడాన్ని చూడొచ్చు. దుల్కర్ మరో డిఫ‌రెంట్ క్యారెక్టర్ లో అలరించబోతున్నట్టు తెలుస్తుంది. ఈ సినిమాతో ప్రేక్షకుల్లో ఓ క్యూరియాసిటీ పెంచాడు. హృద‌యాన్ని హ‌త్తుకునే ఎంట‌ర్‌టైన‌ర్‌గా ఈ సినిమాను రాబోతుంది.
Sky is not the limit ✨
The charming @Dulquer’s next is #AakasamLoOkaTara 😎
He’s set to captivate us all with a story that will make your heart SOAR❤️🔥
More updates will fly soon ⏳#AOTMovie@Lightboxoffl @GeethaArts @SwapnaCinema @VyjayanthiFilms @pavansadineni… pic.twitter.com/DcRhDbrrty
— Vamsi Kaka (@vamsikaka) July 28, 2024
టాలీవుడ్‌లో ప్రముఖ నిర్మాణ సంస్థ‌లైన గీతా ఆర్ట్స్‌, స్వ‌ప్న సినిమాలతో పాటు లైట్ బాక్స్ మీడియా బ్యాన‌ర్స్ స‌మ‌ర్ప‌ణ‌లో సందీప్ గుణ్ణం, ర‌మ్య గుణ్ణం ఈ మూవీని భారీ ఎత్తున తెరకెక్కిస్తున్నారు. అగ్ర నిర్మాణ సంస్థలు అశ్వనీదత్, అల్లు అరవింద్ సంస్థలు ఈ మూవీ నిర్మాణంలో భాగ‌మ‌వుతుండ‌టం అంద‌రిలోనూ ఆస‌క్తిని పెంచుతోంది.
త్వ‌ర‌లోనే ఈ సినిమా రెగ్యులర్ షూటింగ్ ప్రారంభం కానుంది. ఇక ఈ సినిమాలోని న‌టీన‌టులు, సాంకేతిక నిపుణుల వివ‌రాల‌ను త్వ‌ర‌లోనే తెలియ‌జేయనున్నారు. అభిమానులు, ఇండ‌స్ట్రీ వ‌ర్గాలు, సినీ ప్రేక్ష‌కులు ఈ సినిమాకు సంబంధించిన అనౌన్స్‌మెంట్స్ కోసం ఇంట్రెస్ట్‌గా వెయిట్ చేస్తున్నారు. ఈ సినిమా తెలుగు, మలయాళంతో పాటు కన్నడ, హిందీ, తమిళంలో ఈ సినిమా రాబోతుంది. త్వరలో దుల్కర్ సల్మాన్ ‘లక్కీ భాస్కర్’ పేరుతో రాబోతున్నాడు. ఈ సినిమాపై భారీ అంచనాలే ఉన్నాయి.
ఇదీ చదవండి: ఆ తరంలో NTR, కృష్ణంరాజు.. ఈ జనరేషన్ లో రాజశేఖర్, ప్రభాస్ లకే ఆ క్రెడిట్ దక్కింది..
ఇదీ చదవండి: ‘కల్కి ’ సినిమాలో నాగ్ అశ్విన్ చేసిన ఈ బ్లండర్ మిస్టేక్ ను గుర్తించారా..!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter
