Priyadarshi in Samantha movie: నాగచైతన్య నుంచి విడాకులు తీసుకున్న తర్వాత ఎన్నో విమర్శలు, అంతకుమించి ఆరోగ్య సమస్యలు, అన్నింటిని దిగమింగుకొని , ఇప్పుడే ధైర్యంగా బయటకు వచ్చిన సమంత సినిమాలు చేయడానికి సిద్ధమైంది. అందులో భాగంగానే నిర్మాతగా మారనుంది సమంత. చాలా రోజుల తర్వాత మా ఇంటి బంగారం అనే ఒక తెలుగు సినిమా చేయబోతున్న ఈమె, ఫిమేల్ సెంట్రిక్ సినిమా తర్వాత ఈమె నిర్మిస్తున్న మరో మూవీలో ఒక టాలీవుడ్ హీరోకి అవకాశం ఇచ్చినట్లు సమాచారం.
తాజాగా సమంత నటించి, నిర్మిస్తున్న చిత్రం మా ఇంటి బంగారం. ఇది ఒక ఫిమేల్ సెంట్రిక్ మూవీ. త్వరలోనే హైదరాబాదులో షూటింగ్ ప్రారంభం కాబోతోంది ప్రత్యేకంగా ఈ సినిమా కోసం ఏర్పాటు చేసిన సెట్ లో మా ఇంటి బంగారం సినిమా ప్రారంభం కానున్నట్లు సమాచారం. ఇదిలా ఉండగా ఈ సినిమా ద్వారా కూడా సమంత మళ్ళీ వార్తల్లో నిలిచిందని చెప్పవచ్చు.
అసలు విషయంలోకి వెళితే, సమంత కొన్ని రోజుల క్రిందట ట్రాలాలా మూవింగ్ పిక్చర్స్ పేరుతో ఒక ప్రొడక్షన్ హౌస్ ప్రారంభించిన విషయం తెలిసిందే. ఆ ప్రొడక్షన్ హౌస్ లోనే ఇప్పుడు మా ఇంటి బంగారం అనే చిన్న బడ్జెట్ మూవీ రాబోతోంది. దీని తర్వాత మరో సినిమా కూడా నిర్మిస్తుంది సమంత . అయితే ఆ సినిమాలో యంగ్ హీరో ప్రియదర్శి పులికొండ కు హీరో గా అవకాశం ఇచ్చినట్లు ఓటీటీ ప్లే రిపోర్టు తెలిపింది.
ప్రియదర్శి పులికొండ విషయానికొస్తే.. ఇప్పటికే తెలుగులో చాలా చిత్రాలలో నటించాడు. ఈయన నటించిన ప్రతి సినిమా కూడా మంచి సక్సెస్ అందుకుంది. కంటెంట్ ను నమ్ముకొని సినిమాలకు ఒకే చెబుతున్న నటుడిగా పేరు దక్కించుకున్న ప్రియదర్శి ఇటీవల సేవ్ ద టైగర్స్ అనే వెబ్ సిరీస్ లో కూడా నటించారు.
ఇతడి టాలెంట్ ను గ్రహించిన సమంత తన నెక్స్ట్ సినిమాలో ప్రియదర్శిని హీరోగా తీసుకున్నట్లు తెలుస్తోంది.. ఇదే కాకుండా తెలుగులో కూడా మరిన్ని లో బడ్జెట్ చిత్రాలు తీయబోతోందని సమాచారం. మరి ఈ సినిమాతో సమంత నిర్మాతగా ఎలా తనను తాను ప్రూవ్ చేసుకుంటుందో చూడాలి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిFacebook, Twitter
