Chiranjeevi Twitter DP : డీపీ మార్చిన చిరంజీవి.. ఆడేసుకుంటున్న నెటిజన్లు

CHiranjeevi Twitter DP చిరంజీవి నిన్న అంతా కూడా ఆకాశంలో తేలిపోయాడు. తన కొడుకు నటించిన సినిమా, డ్యాన్స్ చేసిన పాటకు ఆస్కార్ అవార్డ్ రావడంతో చిరంజీవి ఉబ్బితబ్బిబ్బైపోయాడు. దీంతో వెంటనే ట్విట్టర్ డీపీని చేంజ్ చేశాడు.

Chiranjeevi Twitter DP చిరంజీవి ప్రస్తుతం పుత్రోత్సాహంలో ఉన్నాడు. రామ్ చరణ్‌ నటించిన సినిమా, స్టెప్పులు వేసిన పాటకు ఆస్కార్ అవార్డ్ రావడంతో గాల్లో తేలిపోతోనన్నాడు. రామ్ చరణ్‌కి కాదు.. తనకే ఆస్కార్ అవార్డ్ వచ్చినంత గొప్పగా ఫీల్ అవుతున్నాడు చిరంజీవి. అయితే ఈ ఉత్సాహం కాస్తా.. అత్యుత్సాహంగా మారినట్టుంది. చిరంజీవి తన సోషల్ మీడియా ఖాతాల్లో డీపీని చేంజ్ చేశాడు. పూర్ ఎడిటింగ్ అంటూ జనాలు చిరంజీవి డీపీని ట్రోల్ చేస్తున్నారు.

దేవీ నాగవల్లిని కూడా జనాలు ఎలా ట్రోల్ చేస్తున్నారో చూస్తూనే ఉన్నాం. చేతిలో ఆస్కార్‌లా కనిపించే డమ్మీ బొమ్మ పట్టుకుని పోజులు ఇవ్వడం, ప్రోగ్రాంలు చేయడం మీద జనాలు ఎలా ట్రోల్స్ చేస్తున్నారో చూస్తూనే ఉన్నాం. కోఠిలో ఆస్కార్ అవార్డులను కూడా అమ్ముతున్నారా? అంటూ సెటైర్లు వేస్తున్నారు. ఇక చిరంజీవి తన డీపీని మార్చుకోవడం, అందులో ఎడిట్ చేసిన తీరుని జనాలు ఆడేసుకుంటున్నారు.

People who are trolling Chiru for his dp.
He is just a proud father celebrating the victory of his son’s film #RRRWinsOscars & as a Mega Star of Telugu cinema he is very proud that a TELUGU song has won the #Oscars
He is not a professional editor, it’s pure excitement & cute too. pic.twitter.com/OKeIHe6QPz

— Nikkk…! (@NikhilVardhan48) March 13, 2023

అయితే ఆస్కార్ సాధించిన తరువాత చిరంజీవి మీడియాతో మాట్లాడిన మాటలు కూడా ట్రోలింగ్‌కు గురయ్యాయి. ఈ విజయాన్ని ఒక్క రామ్ చరణ్‌కే ఆపాదించడం కరెక్ట్ కాదంటూ మాట్లాడిన మాటలు కాంట్రవర్సీకి దారి తీశాయి. దీంతో చిరు ఆ తరువాత వివరణ ఓ వీడియోను రిలీజ్ చేశాడు. దర్శక నిర్మాతలకు, పాట పాడిన సింగర్లు, కంపోజ్ చేసిన మాస్టర్, కీరవాణి, హీరోలకు ఇలా అందరికీ కూడా కంగ్రాట్స్ చెప్పాడు. ఇలా ప్రతీ ఒక్కరికి క్రెడిట్ ఇస్తూ ఆస్కార్ సాధించినందుకు అభినందనలు తెలిపాడు.

ఇలా ప్రతీ సారి చిరంజీవి ఏదో ఒకటి మాట్లాడటం, జనాలు ట్రోల్ చేయడం జరుగుతూనే వస్తోంది. ఇప్పుడు ఇలా సోషల్ మీడియాలో వింత డీపీతో దర్శనం ఇవ్వడంతో దాన్ని కూడా ట్రోల్ చేస్తున్నారు. అదేదో ఉత్సాహంలో, ఎగ్జైట్మెంట్‌లో చేసి ఉంటాడు.. మనకు ఆస్కార్ వచ్చిందనే సంతోషాన్ని తెలియజేసేందుకు అలాంటి డీపీ పెట్టి ఉంటారని మెగా అభిమానులు అంటున్నారు. దానికి కూడా ఇలా ట్రోల్ చేయాలా? అని నెటిజన్లను నిలదీస్తున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.