Ranbir Kapoor Ramayan Update: రామాయణాన్ని మన భారతదేశంలో ఎన్ని భాషల వాళ్ళు.. ఎన్నిసార్లు చేసినా.. సినీ ప్రేక్షకులు చూస్తూనే ఉంటారు. తెలుగులో ఇప్పటికే ఎన్నో రామాయణాలు వచ్చాయి. ఈ మధ్యనే ప్రభాస్ సైతం రామాయణం ఆధారంగా ఆది పురుష్ అనే సినిమాతో ప్రేక్షకుల ముందుకు వచ్చిన సంగతి తెలిసిందే. బాలీవుడ్ డైరెక్టర్ డైరెక్ట్ చేసిన ఈ చిత్రం మాత్రం డిజాస్టర్ గా మిగిలింది. అయితే ఇప్పుడు మరో బాలీవుడ్ డైరెక్టర్ ఇదే రామాయణంతో తన టెస్ట్ చేసుకోబోతున్నారు.
బాలీవుడ్ డైరెక్టర్ నితీష్ తివారీ రామాయణాన్ని భారీ బడ్జెట్ తో తెరకెక్కించనున్నారు. ఈ సినిమా షూటింగ్ మొదలుకాక ముందు నుంచే ఈ చిత్రంపై ప్రేక్షకులకు అంచనాలు భారీగా ఉన్నాయి. అందుకు ముఖ్య కారణం ఈ సినిమాలో రాముడిగా.. రణబీర్ కపూర్, సీతగా.. సాయి పల్లవి, రావణుడిగా యాష్ కనిపిస్తారు అని వార్తలు రావడమే. వీటిల్లో రెండు విషయాలను మాత్రం రుజువు చేస్తూ ఈ మధ్యనే రణబీర్ కపూర్.. రాముడి వేషంలో.. సాయి పల్లవి.. సీత వేషంలో ఉన్న ఫోటో ఒకటి సోషల్ మీడియాలో తెగ వైరల్ అయింది.
దాదాపు రూ. 800 కోట్ల బడ్జెట్తో అత్యంత ప్రతిష్టాత్మకంగా భారీ ఎత్తున నిర్మిస్తున్న ఈ సినిమాలో ఆంజనేయుడిగా సన్నీ డియోల్ తో పాటు రకుల్, లారా దత్తా వంటి నటీనటులు కీలకపాత్రలు పోషించనున్నారు. అయితే ఈ సినిమా షూటింగ్ జరుగుతుండగానే ఇబ్బందుల్లో పడినట్లు వార్తలు వచ్చాయి. అల్లు అరవింద్, మధు మంతెన బృందం ప్రైమ్ ఫోకస్ మీడియాతో ఒప్పందంలో భాగంగా తమకు చెల్లించాల్సినవి ఇంకా చెల్లించలేదని.. కాబట్టి ఈ చిత్రాన్ని నిర్మించకూడదు అని ప్రకటన విడుదల చేసినట్లు కథనాలు వచ్చాయి. అయితే దీనిపై ఇటు మేకర్స్ స్పందించలేదు.
ఈ నేపథ్యంలో ఇప్పుడు ఈ సినిమా గురించి మరో వార్త ఫిల్మ్ వర్గాల్లో వినిపిస్తుంది. తాజా సమాచారం ప్రకారం ఈ సినిమా టైటిల్ మారుస్తున్నారట. ఈ సినిమాకి దర్శకుడు గాడ్ పవర్ అనే కొత్త టైటిల్ ఫిక్స్ చేసినట్లు వినికిడి. ప్రస్తుతం ఈ సినిమా షూటింగ్ ముంబైలోని ఫిల్మ్ సిటీలో జరుగుతుంది. ఈ చిత్రానికి సంబంధించిన పూర్తి వివరాలు అధికారికంగా వెల్లడించాల్సి ఉంది. కాగా ఈ సినిమా షూటింగ్ కనీసం 600 రోజులు జరుగుతుందని..ఈ చిత్రం 2027లో విడుదల చేయడానికి దర్శకుడు ప్లాన్ చేస్తున్నారు అని కూడా సమాచారం.
Also Read: RCB Playoff: కోహ్లీని చూసి ఏడ్చేసిన అనుష్క శర్మ.. బెంగళూరు ప్లేఆఫ్స్ చేరికతో కన్నీళ్లు
Also Read: IPL MI vs LSG: ముంబై ఇండియన్స్ అట్టర్ ప్లాప్ షో.. ఆఖరి మ్యాచ్లోనూ లక్నో చేతిలో చిత్తు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Facebook, Twitter
Vishnupriya
విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది.
...Read More
