New Movies Update: దేశంలో కరోనా కేసులు భారీగా తగ్గుముఖం పట్టడం, జనాలు కూడా థియేటర్లకు వెళ్లేందుకు మొగ్గు చూపుతున్నారు. ఈ నేపథ్యంలో వరుసగా సినిమాలు విడుదలకు సిద్ధమవుతున్నాయి. ముఖ్యంగా గతంలో వాయిదా పడిన పెద్ద మూవీస్ ఈ వారం విడుదల కానున్నాయి.
ఈ వారం థియేటర్లలో విడుదలయ్యే సినిమాలు ఇవే..
ఈటీ: ఈ వారం రెండు పెద్ద సినిమాలు విడుదల కానున్నాయి. సూర్యా హీరోగా నటించిన 'ఈటీ' మూవీ ఈ నెల 10న థియేటర్లలో విడుదల కానుంది. సూర్య నటించిన ఆకాశమే హద్దురా, జై భీమ్ వంటి సినిమాలను నేరుగా ఓటీటీల్లో విడుదలై మంచి టాక్ తెచ్చుకున్నాయి. కాగా ఇప్పుడు ఈటీతో థియేటర్లలో సందడి చేసేందుకు సిద్ధమయ్యారు సూర్యా. ఈ సినిమాలో సూర్యకు జోడీగా ప్రియాంక అరుళ్ మోహన్ నటించింది.
గత రెండు సినిమాలలానే.. ఈ సినిమా కూడా డిఫరెంట్ కథతో రానున్నట్లు తెలుస్తోంది. ఆకాశమే హద్దురా, జై భీమ్ వంటి సినిమాలు నిజ జీవితం ఆధారంగా తెరకెక్కి ఘన విజయం అందుకున్నాయి. ఈటీ కూడా ప్రేక్షకుల మెప్పు పొందుతుందని భారీ ఆశలు పెట్టుకుంది చిత్ర యూనిట్. ఇప్పటికే విడుదలైన ట్రైలర్, డైలాగ్స్ సినిమాపై అంచనాలు పెంచుతున్నాయి.
రాధే శ్యామ్..
పాన్ ఇండియా స్టార్ ప్రభాస్ హీరోగా నటించిన రాధే శ్యామ్ ఈ నెల విడుదల కానుంది. నిజానికి సంక్రాంతి సందర్భంగా జనవరిలో రావాల్సిన ఈ మూవీ కరోనా కారణంగా వాయిదా పడింది. ఇప్పుడు పరిస్థితులు మారిన నేపథ్యంలో ఈ నెల 11న మూవీ థియేటర్లలోకి రానుంది.
సాహో తర్వాత ప్రభాస్ నుంచి వస్తున్న మూవీ కావడంతో దేశవ్యాప్తంగా ఈ సినిమాపై భారీ అంచనాలు ఉన్నాయి. తెలుగుతో పాటు.. హిందీలోను ఏకకాలంలో ఈ మూవీ తెరకెక్కింది. తమిళం, కన్నడా, మలయాళం భాషల్లోనూ డబ్బింగ్ వెర్షన్ ఏకకాలంలో విడుదలకానుంది.
రాధేశ్యామ్ మూవీలో ప్రభాస్ హస్తసాముద్రికుడిగా కనిపించనున్నారు. ప్రభాస్కు జోడీగా పూజా హెగ్దే నటించింది. లవ్ స్టోరీగా ఈ మూవీ తెరకెక్కింది.
ఓటీటీల్లో వచ్చే సినిమాలు ఇవే..
ధనుష్ హీరోగా నటించిన మారన్ నేరుగా ఓటీటీలో విడుదల కానుంది. ఈ నెల 11న డిస్నీ ప్లస్ హాట్స్టార్లో విడుదల కానుంది. యాక్షన్, థ్రిల్లర్గా తెరకెక్కిన ఈ మూవీలో ధనుష్ జర్నలిస్టుగా కనిపించనున్నారు. ఈ మూవీలో మాళవిక మోహనన్ హీరోయిన్గా నటించింది.
రవితేజ హీరోగా నటించిన తాజా చిత్రం 'ఖిలాడి' ఇటీవలే థియేటర్లలో విడుదలై మంచి టాక్ తెచ్చుకుంది. ఇప్పడు ఈ మూవీ ఓటీటీలో విడుదలకు సిద్ధమైంది.
11వ తేదీన సాయంత్రం 6 గంటలకు ఖిలాడీ మూవీ డిస్నీ ప్లస్ హాట్స్టార్లో విడుదల కానుంది.
రైడర్, రౌడీ బాయ్స్ సినిమాలు కూడా జీ 5లో ఈ నెల 11 నుంచి స్టరీమింగ్కు అందుబాటులో ఉండనున్నాయి.
Also read: Naga Shourya: నాగశౌర్య 'కృష్ణ వ్రింద విహారి' రిలీజ్ డేట్ ఫిక్స్.. ఎప్పుడంటే?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
