మార్కెట్లో రిలయన్స్ జియో పోటీ తట్టుకునేందుకు ఆఫర్లు ప్రకటిస్తూ వస్తున్న ఎయిర్ టెల్ ఇప్పుడు తాజాగా మరో సంచలన నిర్ణయం తీసుకుంది. రూ.98 డేటా ప్లాన్ లో మార్పులు చేసింది. రూ.98 రీఛార్జ్ పై 5 జీబీ (4జీ/3 జీ ) డేటా 28 రోజల వరకు పొందవచ్చని పేర్కొంది. అయితే ఈ 5 జీబీ డేటా డైలీ కెపాసిటీతో సంబంధం లేకుండా 28 రోజుల వ్యవధిలో ఎప్పుడైనా వాడుకోవచ్చని తెలిపింది. గతంలో ఇదే డేటా ప్యాక్ లో 2 జీబీ డేటా మాత్రమే ఉండేది..తాజా మార్పులతో అదనంగా మరో 3 జీబీ డేటా అందుతోంది. కాగా ఈ ఆఫర్ తెలుగు రాష్ట్రాల వరకు మాత్రమే వర్తిస్తుందని ఎయిర్ టెల్ పేర్కొంది. మిగిలిన రాష్ట్రాల్లో మాత్రం ఈ ప్లాన్ లో ఎలాంటి మార్పులు లేవు. అంటే వారు 2 జీబీ డేటా మాత్రమే పొందుతారు
