Utsavam Movie: అమెజాన్ ప్రైమ్‌లో దూసుకుపోతున్న రెజీనా ‘ఉత్సవం’

Utsavam Movie Now Streaming On Amazon Prime: భారీ తారాగణంతో నాటక రంగం బ్యాక్‌డ్రాప్‌లో తెరకెక్కిన ఉత్సవం మూవీ ఓటీటీలో సందడి మొదలు పెట్టింది. అమెజాన్‌ ప్రైమ్‌లో దసరా సందర్భంగా ప్రేక్షకులను అలరిస్తోంది.

Utsavam Movie Now Streaming On Amazon Prime: దసరా సందర్భంగా థియేటర్లో, ఓటీటీలో కొత్త చిత్రాల సందడి కనిపిస్తోంది. ఈ క్రమంలో రీసెంట్‌గా వచ్చిన ఎమోషనల్ డ్రామా, సందేశాత్మక చిత్రమైన ‘ఉత్సవం’ ఓటీటీలోకి వచ్చింది. దిలీప్ ప్రకాష్, రెజీనా కసాండ్రా , రాజేంద్ర ప్రసాద్, ప్రకాష్ రాజ్, నాజర్, బ్రహ్మానందం, ఆలీ, ప్రేమ, ఎల్బీ శ్రీరామ్, అనీష్ కురువిల్లా, ప్రియదర్శి, ఆమని, సుధా వంటి భారీ తారాగణంతో సురేష్ పాటిల్ నిర్మించిన ఈ చిత్రానికి అర్జున్ సాయి దర్శకత్వం వహించారు. ఈ చిత్రం గత నెలలో థియేటర్లోకి వచ్చి మంచి రెస్పాన్స్‌ను దక్కించుకుంది.

అంతరించి పోతోన్న నాటక రంగం గురించి, వాటితో ముడిపడి ఉన్న ఎమోషన్స్‌ను, నేటి ట్రెండ్‌కు తగ్గట్టుగా కథనంతో అద్భుతంగా చూపించారు. ఎమోషనల్, యూత్ ఫుల్ లవ్ డ్రామాగా వచ్చిన ఉత్సవం అందరినీ ఆకట్టుకుంది. ఇక ఇప్పుడు ఈ మూవీ ఓటీటీలోకి వచ్చేసింది. దసరా సందర్భంగా అక్టోబర్ 11న ఈ చిత్రం అమెజాన్ ప్రైమ్‌లోకి వచ్చింది. బిగ్ ఫిష్ సినిమాస్ ద్వారా ఈ మూవీ ఓటీటీలోకి వచ్చిన ఈ చిత్రం అందరినీ ఆకట్టుకుంటోంది.

రసూల్‌ ఎల్లోర్‌ సినిమాటోగ్రఫీ, అనూప్‌ రూబెన్స్‌ సంగీతం ఉత్సవం సినిమాకు ప్రధాన ఆకర్షణగా నిలిచాయి. మరి ఓటీటీ ఆడియెన్స్‌ కోసం ఉత్సవం మూవీ వచ్చేసింది. ఇక్కడి ఆడియెన్స్ ఉత్సవం‌ను గ్రాండ్‌గా సెలెబ్రేట్ చేసుకునేలా ఉన్నారు.

తారాగణం: దిలీప్ ప్రకాష్, రెజీనా కసాండ్రా , రాజేంద్ర ప్రసాద్, ప్రకాష్ రాజ్, నాజర్, బ్రహ్మానందం, ఆలీ, ప్రేమ, ఎల్బీ శ్రీరామ్, అనీష్ కురువిల్లా, ప్రియదర్శి, ఆమని, సుధా తదితరులు

సాంకేతిక బృందం
బ్యానర్: హార్న్ బిల్ పిక్చర్స్
దర్శకత్వం: అర్జున్ సాయి.
నిర్మాత: సురేష్ పాటిల్
సినిమాటోగ్రఫీ : రసూల్ ఏలూరు
సంగీతం: అనూప్ రూబెన్స్
ఎడిటర్: కోటగిరి వెంకటేశ్వరరావు
డైలాగ్స్ : రమణ గోపిశెట్టి
డిజిటల్ అక్విజిషన్ పార్టనర్ : బిగ్ ఫిష్ సినిమాస్

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.