Samantha Again as No.1 in Tollywood female actress list: టాలీవుడ్ లో టాప్ హీరో ఎవరు అని చర్చ జరిగే విధంగా టాప్ హీరోయిన్ ఎవరు అనే చర్చ కూడా ఎప్పుడూ జరుగుతూనే ఉంటుంది. ఈ విషయంలో కూడా ఆర్మాక్స్ మీడియా సంస్థ ఒక జాబితా విడుదల చేస్తోంది. అయితే సుమారు ఏడాదిన్నర నుంచి సమంత టాలీవుడ్ టాప్ హీరోయిన్ జాబితాలో నిలుస్తూ రావడం ఆసక్తికరంగా మారింది. నిజానికి ఒకప్పుడు కాజల్ అగర్వాల్ నుంచి సమంతకు గట్టి పోటీ ఉండేది.
అయితే వాస్తవానికి కాజల్ అగర్వాల్ సినిమాలు మానేసి చాలా కాలమైంది. ఆమె గర్భవతి అయినప్పటి నుంచి సినిమాలు మానేసినా సరే ఆమె కూడా సమంతతో పాటు పోటాపోటీగా ఈ జాబితాలో మాత్రం స్థానం దక్కించుకుంది. ఆర్మాక్స్ సంస్థ ప్రతినెల హీరో హీరోయిన్లు టాప్ టెన్ జాబితా విడుదల చేస్తూ వస్తున్న సంగతి తెలిసిందే. ఇక ఈ జాబితాలో ఇప్పుడు టాప్ హీరోయిన్ గా పేరు తెచ్చుకున్న పూజా హెగ్డే దారుణంగా ఐదో స్థానం దక్కించుకోవడం గమనార్హం.
ఇక ఈ జాబితా మొత్తాన్ని పరిశీలిస్తే సమంత మొదటి స్థానంలో నిలిచారు. ఆమె తర్వాతి స్థానంలో కాజల్ అగర్వాల్ నిలిచారు. సినిమాలు ఏమీ లేకపోయినా అనుష్క శెట్టి మూడో స్థానంలో నిలవగా సాయిపల్లవి మాత్రం నాలుగవ స్థానంలో నిలిచారు. ఇక టాప్ హీరోయిన్గా ప్రస్తుతం మంచి క్రేజ్ దక్కించుకుంటున్న పూజా హెగ్డే మాత్రం ఐదో స్థానానికి పరిమితమయ్యారు. ఇక వీరు కాకుండా తెలుగులో సినిమాలకు దూరమై ప్రస్తుతం బాలీవుడ్ లో అవకాశాల కోసం ఎదురుచూస్తున్న తమన్న ఆరో స్థానం దక్కించుకోగా నేషనల్ క్రష్ గా పేరు తెచ్చుకుని బాలీవుడ్ సినిమాల్లో మంచి అవకాశాలు దక్కించుకుంటున్న రష్మిక మందన్న ఏడో స్థానానికి పరిమితమయ్యారు.
ఇక కీర్తి సురేష్ ఎనిమిదో స్థానానికి పరిమితం అవగా కృతి శెట్టి తొమ్మిదవ స్థానానికి పరిమితమయ్యారు. ఇక ఈ జాబితాలో కొత్తగా అనుపమ పరమేశ్వరన్ వచ్చి చేరారు. కార్తికేయ2 సినిమాతో హిట్టు అందుకున్న ఆమె పలు ఆసక్తికరమైన ప్రాజెక్టులను లైన్లో పెట్టారు. ఇక సమంత ప్రాజెక్టుల విషయానికి వస్తే ఆమె వరుస సినిమాలతో బిజీ బిజీగా గడుపుతున్నారు. ప్రస్తుతం ఆమె శస్త్ర చికిత్స కోసం అమెరికా వెళ్ళినట్లుగా ప్రచారం జరుగుతోంది.
కానీ ఈ విషయం మీద అధికారిక ప్రకటన అయితే ఏదీ రాలేదు. ఆమె ఆరోగ్యం గురించి రకరకాల ప్రచారాలు తెరమీదకు రావడంతో అవేవీ నిజం కాదని ఆమె మేనేజర్ నుంచి ఒక ప్రకటన వచ్చింది. ఇక ప్రస్తుతం సమంత పలు ఆసక్తికరమైన ప్రాజెక్టులతో బిజీగా ఉన్నారు. ఒకపక్క తెలుగు, తమిళ ప్రాజెక్టులతో పాటు హిందీ ప్రాజెక్టులతో కూడా బిజీబిజీగా గడుపుతున్నారు. అలాగే అరేంజ్మెంట్స్ ఆఫ్ లవ్ అనే ఒక హాలీవుడ్ ప్రాజెక్టులో కూడా ఆమె భాగంగా బోతున్నార. అలాగే రాజ్ డీకే డైరెక్షన్ లో సిటాడెల్ అనే ఒక వెబ్ సిరీస్ లో కూడా ఆమె నటించబోతున్నట్లు టాక్ వినిపిస్తోంది. కానీ ఈ విషయం మీద అధికారికంగా ఎలాంటి ప్రకటన రాలేదు.
Also Read: Allu Arjun Indian of the Year: అల్లు అర్జున్ కు అరుదైన గౌరవం.. ఇండియన్ ఆఫ్ ది ఇయర్ గా అవార్డు!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://bit.ly/3P3R74U
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
