పెరుగు లేదా మజ్జిగ. మెరుగైన ఆరోగ్యానికి ఇది కల్గించే ప్రయోజనాలు చాలానే ఉన్నాయి. మజ్జిగ ఓ పద్థతిగా తయారు చేసుకుని తాగితే..బరువు తగ్గుతారని ఎంతమందికి తెలుసు. నిజం మరి.
రోజూ భోజనంతో పాటు కాసింత పెరుగన్నం తినడం లేదా భోజనానంతరం మజ్జిగ తాగడం చాలామందికి అలవాటే. నాలుగు మెతుకులు పెరుగన్నం తినకపోతే భోజనం అసంపూర్తిగా ఉంటుందేనేది పెద్దలు చెప్పే మాట. అదే అలవాటు అనాదిగా వస్తోంది. ఇది కేవలం అలవాటే కాదు మెరుగైన ఆరోగ్య రహస్యం కూడా. పెరుగన్నం తీసుకోకపోతే..పల్చని మజ్జిగ తాగడం చాలా మంచిదంటారు వైద్య నిపుణులు. అదే సమయంలో మజ్జిగను ఓ పద్దతిలో తయారుచేసుకుని రోజూ సేవిస్తే బరువు కూడా తగ్గుతారు(Better Milk Benefits). అదెలాగో పరిశీలిద్దాం.
ముందుగా పల్చగా మజ్జిగ చేసుకోవాలి(Butter Milk). అందులో జీలకర్ర పొడి కాస్త వేసి..మిరియాల పొడి కొద్దిగా కలుపుకోవాలి. కరివేపాకు, కొత్తిమీర, అల్లం, పచ్చిమిర్చి నూరి ఈ మజ్జిగలో కలుపుకుని తాగితే రుచికి రుచి ఉంటుంది. ఆరోగ్యానికి చాలా మేలు చేకూరుస్తుంది. ఈ మజ్జిగలో కొన్ని మునగ ఆకులు కూడా వేస్తే కీళ్లనొప్పుల్నించి ఉపశమనం లభిస్తుంది. మజ్దిగలో ఆరోగ్యకరమైన బ్యాక్టీరియా, కార్బోహైడ్రేట్స్, లాక్టోస్, రోగ నిరోధక శక్తిని పెంచే గుణాలుంటాయి. ఖాళీ కడుపుతో ప్రతిరోజూ మజ్జిగ తీసుకుంటే చాలా ప్రయోజనాలున్నాయంటున్నారు నిపుణలు.
మజ్జిక క్రమ తప్పకుండా తీసుకుంటే జీర్ణవ్యవస్థ(Digestion System)సక్రమంగా ఉంటుంది. ఎసిడిటీని తగ్గించి ఎముకలకు బలం చేకూరుస్తుంది. క్రమం తప్పకుండా రోజూ తీసుకుంటే బరువు కూడా తగ్గుతారు. మజ్జిగలో తక్కువ మొత్తంలో ఉండే కొవ్వు దీనికి కారణం. ఇది ఫ్యాట్ బర్నర్‌గా పనిచేయడం వల్ల బరువు తగ్గుతారు. మజ్జిగలో ఉండే ప్రో బయోటిక్ అంటే ఆరోగ్యకరమైన బ్యాక్టీరియా జీర్ణవ్యవస్థను మెరుగుపరుస్తుంది. ఫలితంగా మలబద్ధకం, అజీర్ణం వంటి సమస్యలు దూరమవుతాయి. కడుపులో గ్యాస్ ఏర్పడకుండా నివారించడంతో యాసిడ్ రిఫ్లక్స్ సమస్య ఉండదు. మజ్జిగలో ఉండే విటమిన్ డి ఎముకలను బలపరుస్తుంది. ఇందులో ఉండే కాల్షియం శోషణను సరళం చేస్తుంది. ఖాళీ కడుపుతో రోజూ మజ్జిగ తీసుకుంటే ఆస్టియో పొరోసిస్ రిస్క్ తగ్గుతుంది. అంతేకాదు కొలెస్ట్రాల్ తగ్గించే ప్రత్యేక జీవాణువులు మజ్జిగలో ఉన్నాయని బ్రిటీషు మెడికల్ జర్నల్ చెబుతోంది.
Also read: Tips For Protecting Your Skin: శీతాకాలంలోని చలిగాలుల నుంచి చర్మాన్ని కాపాడుకోవడం ఎలా?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
