Grapes Health Benefits: ద్రాక్ష పండు ఆరోగ్యానికి ఎంతో మేలు చేస్తుంది. ఇందులో బోలెడు పోషకాలు, విటమిన్‌ లు ఉంటాయి. ఇవి శరీరానికి సహాయపడుతుంది. అయితే ద్రాక్ష పండు తినడం వల్ల ఎలాంటి ఆరోగ్యలాభాలు కలుగుతాయి అనేది మనం తెలుసుకుందాం.
ద్రాక్ష పండులో విటమిన్లు, ఖనిజాలు, యాంటీ ఆక్సిడెంట్ల పుష్కలంగా లభిస్తాయి. ద్రాక్షలోని రెస్వెరాట్రాల్ అనే యాంటీ ఆక్సిడెంట్ గుండె జబ్బుల ప్రమాదాన్ని తగ్గిస్తుంది. ఇది రక్తనాళాలను ఆరోగ్యంగా ఉంచి, రక్తపోటును నియంత్రిస్తుంది. ఇందులోని ఫైబర్ కంటెంట్‌ ఫైబర్ మలబద్ధకాన్ని నివారిస్తుంది మరియు జీర్ణక్రియను మెరుగుపరుస్తుంది. యాంటీ ఆక్సిడెంట్లు చర్మాన్ని మృదువుగా మరియు మెరుపుగా చేస్తాయి. ఇది ముడతలు మరియు ముదురు మచ్చలను తగ్గించడంలో సహాయపడుతుంది. ద్రాక్షలోని కొన్ని సమ్మేళనాలు కొన్ని రకాల క్యాన్సర్ల ప్రమాదాన్ని తగ్గించే సామర్థ్యాన్ని కలిగి ఉన్నాయని అధ్యయనాలు సూచిస్తున్నాయి. ద్రాక్ష మెదడు కణాలను రక్షిస్తుంది, జ్ఞాపకశక్తిని మెరుగుపరుస్తుంది.
ద్రాక్షలో సహజ చక్కెరలు అధికంగా ఉంటాయి. కాబట్టి, మధుమేహం ఉన్నవారు లేదా బరువు తగ్గాలని కోరుకునే వారు ద్రాక్షను తక్కువ మొత్తంలో తీసుకోవాలి. కొంతమందికి ద్రాక్షకు అలెర్జీ ఉండవచ్చు. అలెర్జీ లక్షణాలు చర్మం దురద, ఉబ్బరం, శ్వాస తీసుకోవడంలో ఇబ్బంది మొదలైనవి. కొన్ని ద్రాక్ష పండ్లలో పురుగుమందులు ఉండవచ్చు. కాబట్టి, ద్రాక్షను బాగా కడిగి తీసుకోవడం మంచిది. ద్రాక్షలోని సహజ చక్కెరలు దంతాలకు హాని కలిగించవచ్చు. కాబట్టి, ద్రాక్ష తిన్న తర్వాత నోటిని శుభ్రం చేసుకోవడం మంచిది.
ద్రాక్ష జ్యూస్ అంటే ద్రాక్ష పండ్లను రసం తీసి తయారు చేసిన పానీయం. తాజాగా రుచికరంగా ఉండటమే కాకుండా అనేక ఆరోగ్య ప్రయోజనాలను కలిగి ఉంది.
ద్రాక్ష జ్యూస్‌ను ఎలా తయారు చేసుకోవచ్చు?
ద్రాక్ష జ్యూస్‌ను ఇంటి వద్దే తయారు చేసుకోవచ్చు. దీనికి కావలసింది కేవలం తాజా ద్రాక్ష పండ్లు, నీరు, జల్లెడ. ముందుగా ద్రాక్ష పండ్లను శుభ్రంగా కడిగి గింజలను తీసివేయాలి. ద్రాక్షను మిక్సీలో వేసి నీరు కలిపి మెత్తగా రుబ్బాలి. రుబ్బిన పేస్టును జల్లెడ ద్వారా వడకట్టాలి. ఇప్పుడు తాజా ద్రాక్ష జ్యూస్ తయారైంది.
ముఖ్యమైన విషయాలు
చక్కెర: కొన్ని ద్రాక్ష జ్యూస్‌లలో అధికంగా చక్కెర ఉంటుంది. కాబట్టి, తక్కువ చక్కెర లేదా చక్కెర లేని జ్యూస్‌లను ఎంచుకోవడం మంచిది.
ఆరోగ్య సమస్యలు: షుగర్, కిడ్నీ వ్యాధులు ఉన్నవారు వైద్యుల సలహా తీసుకుని తాగాలి.
మోతాదు: అధికంగా తాగడం వల్ల కడుపు ఉబ్బరం, మలబద్ధకం వంటి సమస్యలు వచ్చే అవకాశం ఉంది.
ముఖ్యమైన విషయం: ఏదైనా ఆహారం అధికంగా తీసుకోవడం ఆరోగ్యానికి హానికరం. కాబట్టి, ద్రాక్షను కూడా మితంగా తీసుకోవడం మంచిది.
Also Read: Weight Loss Upma Recipe: శరీర బరువును తగ్గించే బ్రౌన్ ఉప్మా.. రుచితో పాటు ఆరోగ్యం మీ సొంతం
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.Twitter, Facebook
