కారు నదిలో పడి నలుగురు దుర్మరణం

కారు నదిలో పడి ఒకే కుటుంబానికి చెందిన నలుగురు దుర్మరణం

ప్రమాదవశాత్తుగా కారు నదిలో పడిన దుర్ఘటనలో అందులో ఏడుగురు ప్రయాణికులలో నలుగురు అక్కడికక్కడే మృతిచెందిన ఘటన మంగళవారం ఉదయం మధ్యప్రదేశ్‌లో చోటుచేసుకుంది. మధ్యప్రదేశ్‌లోని భిండ్ జిల్లాలో చోటుచేసుకున్న ఈ ఘటనలో స్థానికులు ముగ్గురుని సురక్షితంగా రక్షించగా ఒకే కుటుంబానికి చెందిన నలుగురు నీళ్లలోనే సజీవ సమాధి అయ్యారు. చనిపోయిన వారిలో ఇద్దరు భార్యాభర్తలు కూడా ఉన్నారు. నీటి ఉదృతిని లెక్కచేయకుండా నదిని దాటేందుకు డ్రైవర్ చేసిన దుస్సాహసం వల్లే ఈ ప్రమాదం చోటుచేసుకున్నట్టు తెలుస్తోంది.