Side Effects Of Drinking Green Tea: గ్రీన్ టీ అనేది చైనీస్ కామెలియా సినెన్సిస్ మొక్క ఆకులతో తయారు చేసిన ఒక రకమైన టీ. ఇది ప్రపంచవ్యాప్తంగా ప్రసిద్ధి చెందిన టీ. దీని తీసుకోవడం వల్ల బోలెడు ఆరోగ్య ప్రయోజనాలు కలుగుతాయి. పచ్చటి ఆకులను తక్కువ ఉష్ణోగ్రత వద్ద ఆవిరి చేసి తయారు చేయడం వల్ల గ్రీన్ టీలో ఇతర టీల కంటే ఎక్కువ పోషకాలు ఉంటాయి. దీని తీసుకోవడం వల్ల సులువుగా బరువు తగ్గుతారని ఆరోగ్యనిపుణులు చెబుతున్నారు. దీని ఎంతో సులభంగా తయారు చేస్తారు. అయితే ఇది ఆరోగ్యకరమైన టీ అయినప్పటికి అతిగా తీసుకోవడం వల్ల తీవ్రమైన అనారోగ్యసమస్యలు కలుగుతాయని ఆరోగ్యనిపుణులు చెబుతున్నారు.
అతిగా గ్రీన్ టీ తీసుకోవడం వల్ల కలిగే అనారోగ్యసమస్యలు:
కొంతమంది గ్రీన్ టీని అతిగా తాగుతుంటారు. ఇలా చేయడం వల్ల అనారోగ్యసమస్యలు కలుగుతాయని ఆరోగ్యనిపుణులు చెబుతున్నారు. గ్రీన్ టీలో ఉండే టానిన్స్ అనే పదార్థం కడుపులోని ఆమ్లాన్ని పెంచి అజీర్తి, గ్యాస్, మలబద్ధకం వంటి సమస్యలకు దారి తీయవచ్చు. అంతేకాకుండా దీని తీసుకోవడం వల్ల ఇందులో ఉండే కాఫీన్ నిద్రను ప్రేరేపించే మెలటోనిన్ హార్మోన్ ఉత్పత్తిని తగ్గించి నిద్రలేమికి కారణం కావచ్చు. ముఖ్యంగా రాత్రి సమయంలో గ్రీన్ టీ తాగడం వల్ల ఈ సమస్య ఎక్కువగా ఉంటుంది. కెఫీన్‌ను అధికంగా తీసుకోవడం వల్ల తల్లనొప్పి రావచ్చని నిపుణులు చెబుతున్నారు. దీంతో పాటు ఆందోళన, గుండె కొట్టుకునే వేగం పెరగడం వంటి సమస్యలు కలగవచ్చు. గ్రీన్ టీలో ఉండే టానిన్స్ ఐరన్‌ శోషణను తగ్గించి రక్తహీనతకు దారి తీయవచ్చు. గర్భవతులు గ్రీన్ టీని అధికంగా తాగడం వల్ల గర్భస్రావం అయ్యే ప్రమాదం ఉంది. గ్రీన్ టీ పాలిస్తీ గ్రంథులపై ప్రభావం చూపి హార్మోన్ల అసమతుల్యతకు దారి తీయవచ్చు.
గ్రీన్ టీ ఎలా తీసుకోవడం ఆరోగ్యానికి మంచిది:
సాంప్రదాయ పద్ధతి:
ఒక కప్పులో ఒక టీ స్పూన్ గ్రీన్ టీ ఆకులు వేసి వేడి నీరు పోయాలి.
2-3 నిమిషాలు గ్రీన్ టీ ఆకులు నాననివ్వాలి.
తరువాత ఆకులను తీసి వేసి టీ తాగాలి.
ఇన్స్టంట్ గ్రీన్ టీ:
ఇన్స్టంట్ గ్రీన్ టీ పౌడర్‌ను వేడి నీటిలో కలిపి తాగాలి.
ఇది సాంప్రదాయ పద్ధతి కంటే తయారు చేయడానికి తక్కువ సమయం పడుతుంది.
టీ బ్యాగ్స్:
టీ బ్యాగ్‌ను వేడి నీటిలో వేసి 2-3 నిమిషాలు నాననివ్వాలి.
తరువాత టీ బ్యాగ్‌ను తీసి వేసి టీ తాగాలి.
గ్రీన్ టీ తాగేటప్పుడు గమనించవలసిన విషయాలు:
నీటి ఉష్ణోగ్రత: గ్రీన్ టీ కోసం 80-85 డిగ్రీల సెల్సియస్ ఉష్ణోగ్రత వద్ద నీటిని ఉపయోగించడం మంచిది. చాలా వేడి నీరు గ్రీన్ టీ రుచిని మార్చివేస్తుంది.
నీరు: ఫిల్టర్ చేసిన నీటిని ఉపయోగించడం మంచిది.
సమయం: గ్రీన్ టీ ఆకులను ఎక్కువ సేపు నాననిస్తే రుచి చేదుగా మారుతుంది.
పరిమాణం: ఒక రోజుకు 2-3 కప్పుల గ్రీన్ టీ తాగడం సరిపోతుంది.
ఇతర పదార్థాలు: గ్రీన్ టీలో తేనె, నిమ్మరసం లేదా పాలు కలుపుకోవచ్చు. కానీ ఇవి గ్రీన్ టీలోని ఆరోగ్య ప్రయోజనాలను తగ్గిస్తాయి.
సూచన:
గ్రీన్ టీని తాగే ముందు వైద్యుని సలహా తీసుకోవడం మంచిది. ముఖ్యంగా గర్భవతులు, పాలిచ్చే తల్లులు, చిన్న పిల్లలు, రక్తహీనత ఉన్నవారు, గుండె జబ్బులు ఉన్నవారు గ్రీన్ టీని తాగే ముందు వైద్యుని సలహా తీసుకోవడం చాలా ముఖ్యం.
ఇది కూడా చదవండి: Plants For Study Room Vastu: మీ స్టడీ రూంలో ఈ ఐదు మొక్కలుంచితే ఏకాగ్రత పెరుగుతుంది
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
