India Vs Australia Live Score Updates: భారత్, ఆసీస్ మధ్య వరల్డ్ కప్ 2023 ఫైనల్ పోరుకు యావత్ క్రికెట్ ప్రపంచం ఉత్కంఠగా ఎదురుచూస్తోంది. అన్ని మ్యాచ్‌ల్లో విజయాలు సాధించి ఫైనల్‌కు చేరిన భారత్.. సొంతగడ్డపై ఆసీస్‌ను చిత్తు చేస్తుందా..? టీమిండియాను ఓడించి మరోసారి కంగారూలు ఛాంపియన్స్‌గా నిలుస్తారా..? మరికొన్ని గంటల్లో తేలిపోనుంది. గత రికార్డులు ఆసీస్‌కు అనుకూలంగా ఉన్నా.. ప్రస్తుత బలబలాలను బట్టి చూస్తే టీమిండియాదే కాస్త పైచేయిగా ఉంది. అయితే ఫైనల్ పోరులో ఒత్తిడిని జయించిన జట్టుకే విజయం దక్కుతుంది. అహ్మదాబాద్‌లోని నరేంద్ర మోదీ స్టేడియం వేదికగా ఈ బిగ్‌ ఫైట్ జరుగుతోంది. టీమిండియాకు ఇది వరల్డ్ కప్ నాలుగో ఫైనల్ కాగా.. ఆసీస్ ఎనిమిదో ఫైనల్‌లో ఆడుతుంది. భారత్ రెండుసార్లు వరల్డ్ గెలుపొందగా.. ఆస్ట్రేలియా ఐదుసార్లు ప్రపంచ ఛాంపియన్‌గా నిలిచింది. భారత్, ఆస్ట్రేలియా మధ్య క్రికెట్ ప్రపంచ కప్ 2023 ఫైనల్ లైవ్ స్కోర్, అప్‌డేట్స్ కోసం ఇక్కడ ఫాలో అవ్వండి..
