Astrology - Shani Gochar: జ్యోతిష్య శాస్త్రంలో 9 గ్రహాలు నిరంతరం 12 రాశులను ప్రభావితం చేస్తుంటాయి. శని దేవుడి రాశి మార్పు కొన్ని రాశుల వారికీ అనుకూలంగా ఉంటే.. మరికొన్ని రాశుల వారికీ ప్రతికూల ప్రభావం చూపిస్తూ ఉంటుంది. జ్యోతిష్య శాస్త్రంలో శనీశ్వరుడికి ప్రత్యేక స్థానం ఉంది.
ఈయన న్యాయానికి అధిపతి. ప్రతి ఒక్క వ్యక్తి వారి వారి కర్మానుసారం ఫలాలను ఇస్తూ ఉంటాడు. సత్కార్యాలు చేసే వాళ్లకు శుభ ఫలితాలను అందిస్తే.. దుష్కర్మలు చేసే వాళ్లకు అదే రీతిలో శిక్షించడం శని దేవుడి సహజ సిద్ధ స్వభావం. ప్రతి వ్యక్తి తన జీవితంలో ఒక్కసారైనా శనీదేవుడి ఏల్నాటి శని ప్రభావం ఎదుర్కోవాల్సి ఉంటుంది.
శని రాశిలో మార్పు కారణంగా కొన్ని రాశుల మీద శని గ్రహం యొక్కఏల్నాటి శని ప్రభావం ఉంటుంది.శనీశ్వరుడు ప్రతి రెండున్నర యేళ్లకు ఒక రాశి నుంచి మరోక రాశిలోకి ప్రవేశిస్తాడు. ఒక్కో రాశిలో ఎక్కువ సంవత్సరాలు ఉండటంతో ఈయనకు మందుడు, మంద గమనుడు అనే పేరు ఉంది.
శని గ్రహాన్ని పాపాత్మకమైన మరియు క్రూరమైన గ్రహంగా అభివర్ణిస్తారు. జ్యోతిషశాస్త్రంలో శని రాశి మార్పు చాలా ముఖ్యమైనదిగా పరిగణించబడుతుంది. శని రాశి మారడం వల్ల కొన్ని రాశుల మీద శని గ్రహం యొక్క ఏల్నాటి శని ప్రభావం మొదలవుతుంది, అయితే శని యొక్క ఏల్నాటి శని ప్రభావం కొన్ని రాశులపై ముగుస్తుంది. శనిదేవుడు 2025లో రాశిని మారుస్తాడు. శని రాశిలో మార్పు ఐదు రాశులపై ప్రత్యక్ష ప్రభావాన్ని చూపుతుంది.
ప్రస్తుతం కుంభ, మకర, మీన రాశులలో ఏల్నాటి శని నడుస్తోంది. కర్కాటక, వృశ్చిక రాశులలో శని తీక్షణ ప్రభావం కొనసాగుతోంది. శని దేవుడు రాశి మారడం వల్ల మకర రాశి నుండి శని సాడే సతి తొలగిపోయి వృశ్చిక, కర్కాటక రాశుల వారికి శని ప్రభావం నుంచి విముక్తి లభిస్తుంది. జ్యోతిష్య శాస్త్ర విశ్వాసాల ప్రకారం, ప్రతి వ్యక్తి తన జీవితంలో కనీసం ఒక్కసారైనా శనిగ్రహం యొక్క సడేసతి మరియు ధైయానికి గురవుతాడు.
మార్చి 29, 2025న శని రాశి మారనుంది.
మార్చి 29, 2025న శనిగ్రహం కుంభరాశి నుంచి మీనరాశిలోకి ప్రవేశిస్తోంది.శని తన రాశులను మార్చిన వెంటనే,కొన్ని రాశుల వారికి శని యొక్క ఏల్నాటి శని ప్రభావం నుంచి బయట పడవచ్చు.
శని దేవుడు మీనరాశిలోకి ప్రవేశించిన వెంటనే, మకరం నుండి శని యొక్క ఏల్నాటి శని ప్రభావం తొలిగిపోతుంది. శని దేవడి రాశి మార్పు కారణంగా, కర్కాటక రాశి మరియు వృశ్చిక రాశి వారికి శని దేవుడి నుండి విముక్తి లభిస్తుంది.
ఈ రాశులలో శని గ్రహం యొక్క ఏల్నాటి శని ప్రభావం ప్రారంభమవుతుంది. మీన రాశిలోకి శని ప్రవేశంతో, మేష రాశి వారికి శని యొక్క ఏల్నాటి శని ప్రారంభమవుతుంది. శని సంచారంతో కుంభ రాశి వారికి శని గ్రహం యొక్క మూడవ దశ, మీన రాశి వారికి రెండవ దశ, మేష రాశి వారికి మొదటి దశ మొదలవుతాయి. దీనితో పాటు, శని సంచారంతో, సింహం మరియు ధనుస్సు రాశుల వారికి శని ధైయ ప్రారంభమవుతుంది.
ఏల్నాటి శని దశలో వ్యక్తి శారీరక, మానసిక మరియు ఆర్థిక సమస్యలను ఎదుర్కోవలసి ఉంటుంది. జ్యోతిష్య శాస్త్రంలో, శని దేవుడి యొక్క కొన్ని ఇష్టమైన రాశులు వివరించబడ్డాయి. శని దేవుడి ఏల్నాటి శని ప్రభావం ఈ రాశులపై ఉన్నా.. మిగతా రాశుల వలే తీవ్రంగా ఉండదు.
శని దేవుడి పేరు వింటేనే భయం వేస్తుంది. శని గ్రహ సంచారం చాలా నెమ్మదిగా ఉంటుంది. అందుకే శని ఒక రాశి నుండి మరొక రాశికి చేరుకోవడానికి దాదాపు రెండున్నర సంవత్సరాలు పడుతుంది. ఏల్నాటి శని సమయంలో శని మంచి కూడా చేస్తాడు. శని మన రాశిలో ప్రవేశించిన సమయంలో ప్రాణ భయం, ధనం లేకపోవడం.. ఒక వేళ వచ్చినా మన దగ్గర ఉండక పోవడం వంటివి ఇందులో భాగం. కొన్ని సందర్భాల్లో వివాహాం, ఇంటి నిర్మాణంతో పాటు ఉద్యోగాలు వంటివి ఆయా జాతకులకు కలిసి వస్తుంటాయి.
శనీశ్వర గ్రహ తీవ్రతను తగ్గించుకోవడానికి విష్ణు సహస్ర నామం, రుద్ర నమక చమకాలు, ఆదిత్య హృదయంతో పాటు సుందరాకాండ పారాయణం, హనుమాన్ చాలీసా, ఆంజనేయ దండకంతో పాటు శని స్తోత్రం, శని చాలీసా, శని అష్టోత్తర సహస్ర నామ స్త్రోత్రం చేస్తే శనీశ్వర గ్రహ ప్రభావాన్ని తగ్గించుకోవచ్చని శాస్త్రాలు చెబుతున్నాయి.
ముక్యంగా శని త్రయోదశితో పాటు శని దేవుడు ముందు నల్ల నువ్వులను నైవేద్యంగా సమర్పించడంతో పాటు నువ్వుల నూనేతో దీపం వెలిగించడం.. పక్షులకు ఆహారాన్ని వేయడం.. శివుడి పంచాక్షరీ మంత్ర జపంతోపాటు మృత్యుంజయ జపంతో శని దోష తీవ్రతను తగ్గించుకోవచ్చు. శనీశ్వరుడి దర్శనం తర్వాత పేదసాదలకు ఉన్నంతలో ఎంతో కొంత అన్నదానం కానీ వస్త్ర దానం చేస్తే ప్రయోజనం ఉంటుంది.
Read: Ayodhya Crown: అయోధ్య రాముడికి స్వర్ణ కిరీటం.. వజ్రాలు, విలువైన రాళ్లు పొదిగినది ఎన్ని కోట్లు అంటే?
Also Read: BRS Party MLAS Meet Revanth: బీఆర్‌ఎస్‌ పార్టీలో కలకలం.. సీఎం రేవంత్‌ను కలిసిన నలుగురు ఎమ్మెల్యేలు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link: https://play.google.com/store/apps/details?id=com.indiadotcom.zeetelugu
Apple Link: https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
