Zee Telugu News Survey On AP Elections: ఆంధ్రప్రదేశ్ అసెంబ్లీ ఎన్నికలు దేశవ్యాప్తంగా ఆసక్తి రేపుతున్నాయి. రెండో సారి అధికారం కోసం వైసీపీ.. జగన్ ను ఓడించేందుకు టీడీపీ పావులు కదుపుతున్నాయి. గత ఎన్నికల్లో ఎవరూ ఊహించని విధంగా 151 సీట్లతో తిరుగులేని విజయం సాధించిన సీఎం జగన్... ఈసారి వైనాట్ 175 స్లోగన్ తో జనంలోకి వెళుతున్నారు. జగన్ ను గద్దె దింపడమే లక్ష్యంగా జనసేనతో జతకట్టిన తెలుగుదేశం పార్టీ.. అధికారం కోసం పావులు కదుపుతోంది. టీడీపీ,జనసేన కూటమిలోకి బీజేపీ వస్తుందనే ప్రచారం సాగుతోంది. టీడీపీ-జనసేనకు బీజేపీ తోడైతే ఫలితాలు మరోలా ఉంటాయనే టాక్ వస్తోంది. జీన్యూస్ ఒపీనియన్ పోల్ సర్వేలో లోక్ సభ, అసెంబ్లీ ఎన్నికలకు సంబంధించి విభిన్న ఫలితాలు వచ్చాయి. ఏపీ నెక్స్ట్ సీఎం ఎవరు గెలుస్తారనే అంశంతో పాటు జగన్ పాలన, ప్రతిపక్ష నేత చంద్రబాబు పాత్రపైనా ఓటర్ల పల్స్ తెలుసుకుంది జీ న్యూస్. జీ న్యూస్-మ్యాట్రిజ్ సంస్థ పోల్ సర్వే లైవ్‌ అప్డేట్స్ కోసం ఇక్కడ ఫాలో అవ్వండి.
