హైదరాబాద్: తెలంగాణలో ఇటీవల జరిగిన ఎస్సై పరీక్ష తుది ఫలితాలు నేడు వెల్లడయ్యాయి. అన్ని విభాగాల్లో కలిపి 1,272 పోస్టులకు అభ్యర్థులను ఎంపిక చేశారు. పోస్టులకు ఎంపికైన అభ్యర్థుల జాబితాను అధికారిక వెబ్‌సైట్‌లో అందుబాటులోకి తీసుకొచ్చినట్టు సంబంధిత అధికారులు తెలిపారు. ఎంపికైన అభ్యర్థులకు వైద్యపరీక్షలు నిర్వహించనున్నట్లు అధికారులు తెలిపారు.
ఎంపికైన అభ్యర్థుల్లో 992 మంది పురుషులు, 280 మంది మహిళలు ఉన్నారు. వారిలో సివిల్ 710, ఏఆర్ 275, టీఎస్‌ఎస్సై 175, ఐటీఎస్సై 29, ఫింగర్ ఫ్రింట్ విభాగంలో 26 మంది ఎస్సై అభ్యర్థులు ఉన్నారు.
