IPL New Franchise Auction: ఐపీఎల్ 2022 (IPL 2022 News) సీజన్ క్రికెట్ అభిమానులను మరింత అలరించనుందా? అంటే అవుననే అంటున్నాయి బీసీసీఐ వర్గాలు. ఎందుకంటే లీగ్లో ప్రస్తుతం ఉన్న 8 టీమ్స్తో పాటు ఇప్పుడు మరో రెండు కొత్త జట్లు వచ్చి చేరనున్నాయి. దీనికి సంబంధించిన బిడ్డింగ్ (IPL New Franchise Auction) మరికొద్ది సేపట్లో దుబాయ్ వేదికగా జరగనుంది. వచ్చే ఏడాది జరగనున్న ఐపీఎల్ సీజన్లో కొత్త ఫ్రాంచైజీలను అహ్మదాబాద్, లక్నో (IPL New Franchise Name) నగరాల నుంచి నమోదయ్యే అవకాశం కనిపిస్తుంది. అయితే ఈ టీమ్స్ను సొంతం చేసుకునేందుకు పెద్ద సంస్థలు పోటీపడనున్నాయి. మరి ఈ ఫ్రాంఛైజీలను ఏఏ కంపెనీలు సొంతం చేసుకుంటాయో మరికొద్ది సేపట్లో తెలిసిపోతుంది. ఈ నేపథ్యంలో వేలంలో ఏఏ కంపెనీలు పోటీపడనున్నాయో తెలుసుకుందాం.
ఐపీఎల్లో (IPL Broadcast Value) రెండు కొత్త టీమ్స్ను (New IPL Teams) సొంతం చేసుకునేందుకు అనేక కార్పొరేట్ కంపెనీలు వేలంలో పోటీ పడనున్నాయి. అహ్మదాబాద్ ఫ్రాంఛైజీని చేజిక్కించుకునేందుకు అదానీ గ్రూప్ ప్రయత్నాలు మొదలుపెట్టినట్టుగా బీసీసీఐ అధికార వర్గాలు (BCCI News) చెబుతున్నాయి. మరోవైపు అమెరికాకు చెందిన మాంచెస్టర్ యునైటెడ్ యజమాని అయిన గ్లేజర్ ఫ్యామిలీ కూడా ఈ వేలంలో ప్రధానంగా పోటీపడనుంది.
ఇంగ్లీష్ ప్రీమియర్ లీగ్లో ఓ టీమ్ను కొనుగోలు చేసిన రెడ్ బర్డ్ క్యాపిటల్స్ అనే అమెరికా ఆధారిత సంస్థ కూడా బరిలో నిలవనుందని సమాచారం. రాజస్థాన్ రాయల్స్ జట్టులో ప్రస్తుతం ఈ సంస్థకు 15 శాతం వాటా ఉంది. దీంతో పాటు టీమ్ఇండియాకు చెందిన ఓ సీనియర్ క్రికెటర్, అదానీ గ్రూప్, కొటాక్, అరబిందో ఫార్మా, టొరెంట్ గ్రూప్, ఆర్పీ సంజీవ్ గొయంకా గ్రూప్ కూడా ఐపీఎల్లో కొత్త టీమ్స్ను కొనుగోలు చేసేందుకు సిద్ధంగా ఉన్నాయి.
బీసీసీఐకి భారీ ఆదాయం
ఈ రెండు టీమ్స్ కోసం జరగనున్న బిడ్డింగ్ ద్వారా రూ.7000 కోట్ల నుంచి రూ. 10 వేల కోట్ల ఆదాయం బీసీసీఐకి (BCCI Income From IPL 2022) సమకూరుతుందని సమాచారం. కనీసం 3000 వేల కోట్ల వార్షిక ఆదాయం ఉన్న కంపెనీలకే ఈ బిడ్డింగ్‌లో పాల్గొనేందుకు అవకాశం ఉండగా.. బిడ్డింగ్ కోసమే కనీసం రూ.2 వేల కోట్లు వెచ్చించాల్సి ఉంటుంది. బిడ్డింగ్ కోసం అవసరమయ్యే 'ఇన్విటెషన్ టు టెండర్' పేరిట లభించే డాక్యుమెంట్‌ని కొనుగోలు చేయడానికే రూ.10 లక్షలు ఖర్చు చేయాల్సి ఉంటుంది.
Also Read: IPL Broadcasting Rights Price: రూ.37 వేల కోట్లకు ఐపీఎల్ బ్రాడ్కాస్టింగ్ రైట్స్!
Also Read: T20 World Cup 2021: తొలి మ్యాచ్‌లో ఓటమి టీమిండియాకు మేలే చేస్తోంది: గ్రేమ్‌ స్వాన్‌
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
