Stealth Omicron: ప్రస్తుతం దేశవ్యాప్తంగా కరోనా తీవ్రత ఈ ఏడాది ఆరంభంతో పోలిస్తే భారీగా తగ్గింది. రోజువారి కేసులు 2 వేల లోపే నమోదవుతున్నాయి. అయితే చైనా, దక్షిణ కొరియాలో మాత్రం మళ్లీ మహమ్మారి విజృంభిస్తోంది. ముఖ్యంగా 'స్టెల్త్ ఒమిక్రాన్' వేరియంట్ రూపంలో ఆయా దేశాలపై కొవిడ్ మహమ్మారి విరుచుకుకుపడుతోంది. దీనితో దేశంలో మళ్లీ ఫోర్ట్ వేవ్ భయాలు మొదలయ్యాయి.
దక్షిణాఫ్రికాలో బయటపడిన 'ఒమిక్రాన్' వేరియంట్ కారణంగా ఈ ఏడాది ప్రారంభంలో దేశంలో కరోనా మూడో దశ విజృంభించిన విషయం తెలిసింది. కాగా ఇప్పుడు మళ్లీ చైనాలో 'స్టెల్త్ ఒమిక్రాన్' నాల్గో వేవ్ రావచ్చన్న అంచనాలను పెంచుతోంది.
ఆరోగ్య నిపుణులు కూడా 'స్టెల్త్ ఒమిక్రాన్' వల్ల దేశంలో కొవిడ్ నాల్గో దశ రావచ్చని ఆందోళన వ్యక్తం చేస్తున్నారు. ప్రజలు అప్రమత్తంగా ఉండాలని సూచిస్తున్నారు. దీనితో పాటు స్టెల్త్ ఒమక్రాన్ లక్షణాలను ఏమిటి? ఇంతకీ ఈ వేరియంట్ ఎలాంటి ప్రభావం చూపిస్తుందనే దానిపై కీలక విషయాలను వెల్లడించారు. ఆ వివరాలను ఇప్పుడు పరిశీలిద్దాం.
ఏమిటి ఈ స్టెల్త్ ఒమిక్రాన్?
గత ఏడాది దక్షిణాఫ్రికాలో బయటపడిన ఒమిక్రాన్ వేరియంట్కు ఇది సబ్ వేరియంట్. ఇతర వేరియంట్లతో పోలిస్తే.. ఒమిక్రాన్కు వేగంగా వ్యాప్తి చెందుతుందనే విషయం తెలిసిందే. ఈ వేరియంట్ కారకణంగానే మన దేశంలో కరోనా మూడో దశ కూడా వచ్చింది. స్టెల్త్ ఒమిక్రాన్ను శాస్త్రీయంగా BA.2 ఒమిక్రాన్ వేరియంట్గా పిలుస్తారు. డెన్మార్క్కు చెందిన స్టెటన్స్ సీరమ్ ఇన్స్టిటూట్ (ఎస్ఎస్ఐ) ప్రకారం.. ఒమిక్రాన్తో పోలిస్తే స్టెల్త్ ఒమిక్రాన్కు 1.5 రేట్లు వేగంగా వ్యాప్తిచెందే సామర్థ్యం ఉందని తెలిసింది.
స్టెల్త్ ఒమిక్రాన్ లక్షణాలు..
డబ్ల్యూహెచ్ఓ ప్రకారం.. ఒమిక్రాన్లానే స్టెల్త్ ఒమిక్రాన్ కూడా మానవుల్లో శ్వాసకోస వ్యవస్థ పై భాగంపై అధికంగా ప్రభావం చూపుతుందని తెలిసింది. దీని కారణంగా ఫ్లూ వంటి లక్షణాలు కనిపిస్తాయని వెల్లడైంది. అయితే స్టెల్త్ ఒమిక్రాన్ వల్ల రుచి, వాసన కోల్పోవడం వంటి సమస్యలు రావని తేలింది.
ఇతర లక్షణాలు..
జ్వరం, తీవ్ర అలసట, దగ్గు, గొంతు మంట, తలనొప్పి, కండరాల అలసట, గుండే వేగం పెరగటం వంటి సమస్యలు కనిపిస్తాయని వైద్య నిపుణులు చెబుతున్నారు.
ఒమిక్రాన్ స్టెల్త్ ఒమిక్రాన్ మధ్య తేడా..
నిపుణుల ప్రకారం.. ఒమిక్రాన్ కంటే స్టెల్త్ ఒమిక్రాన్ను ఆర్టీ-పీసీఆర్ పరీక్షలో గుర్తించడం కాస్త కఠినతరమని ఆరోగ్య నిపుణులు చెబుతున్నారు. ఈ వేరియంట్ను గుర్తించేందుకు మరింత అడ్వాన్స్ పరీక్షలు అవసరమని చెబుతున్నారు.
Also read: Bhagwant Mann: పంజాబ్ సీఎం సంచలన నిర్ణయం... కొత్త మంత్రులకు షాకింగ్ న్యూస్..
Also read: Karnataka Hijab Row: హిజాబ్‌పై తీర్పు వెలువరించిన జడ్జిలకు 'వై' కేటగిరీ భద్రత..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
