Salaried wife offer to Neetu Chandra: తెలుగులో విష్ణు సినిమాతో హీరోయిన్ గా తెరంగ్రేటం చేసిన బీహార్ కు చెందిన నీతూ చంద్ర ఆ తర్వాత గోదావరి సినిమాలో సుమంత్ మరదలు పాత్రలో కనిపించి మంచి గుర్తింపు తెచ్చుకుంది. ఆ తరువాత బాలీవుడ్ బాట పట్టి అక్కడ వరుస సినిమా అవకాశాలు దక్కించుకుంది. అయితే ఆ తర్వాత రాజశేఖర్ హీరో గా సత్యమేవ జయతే సినిమాలో కూడా ఆమె హీరోయిన్ గా నటించింది. అక్కినేని కుటంబ కథా చిత్రం మనం సినిమాలో ఎయిర్ హోస్టెస్ పాత్రలో కనిపించిన ఈ భామ హిందీలో మాత్రం వరుస సినిమాలు చేసింది..
అయితే గత కొన్నేళ్లుగా చెప్పుకోదగ్గ సినిమా ఒకటి కూడా చేయలేని ఈ భామ తన బాధ ఇంటర్వ్యూలో పంచుకుంది. 'బాలీవుడ్ హంగామా'తో మాట్లాడిన ఆమె అనేక సంచలన విషయాలు వెల్లడించింది. తాను సినిమాల్లో మంచి స్థాయిలో ఉన్న సమయంలో దేశంలో ప్రముఖ వ్యాపారవేత్త తనకు ఒక ఆఫర్ ఇస్తానంటే అది సినిమా ఆఫర్ అనుకున్నానని కానీ అది వేరే ఆఫర్ అని వెల్లడించింది. అదేమంటే ఆయన తనను జీతం తీసుకునే భార్యగా ఉండమని కోరినట్లు ఆమె వెల్లడించింది. ఎన్ని నెలలు ఉండగలిగితే అన్ని నెలలు నా భార్యగా ఉంటే నెలకు పాతిక లక్షల రూపాయలు ఇస్తానని సదరు వ్యాపారవేత్త తనకు ఆఫర్ ఇచ్చినట్లు ఆమె వెల్లడించింది..
అది విని తాను షాక్ అయ్యానని ఆమె వెల్లడించింది. అంతేకాక తన సెల్ఫ్ కాన్ఫిడెన్స్ ని దెబ్బతీయడం కోసం బాలీవుడ్ కి చెందిన ఒక బడా కాస్టింగ్ డైరెక్టర్ తనతో గంటసేపు ఆడిషన్ చేసి ఇది వర్కౌట్ అవడం లేదు మీకు ఈ ఆఫర్ ఇవ్వడం లేదని వెనక్కి పంపాడు అని ఆమె అన్నారు. తర్వాత తన సెల్ఫ్ కాన్ఫిడెన్స్ ను చంపడం కోసమే అలా చేశాడనే విషయం తెలిసిందని చెప్పుకొచ్చారు. ఇక తాను 13 మంది జాతీయ అవార్డు గ్రహీతలతో, ఎన్నో అద్భుతమైన వారితో పని చేశాను కానీ ఈరోజు తనకు చేయడానికి సినిమాలు గానీ చేతిలో డబ్బు కూడా లేదు అని ఆమె ఎమోషనల్ అయ్యారు.
సుశాంత్ సింగ్ రాజ్ పుత్ వ్యవహారం గురించి ఆమె మాట్లాడుతూ నాకు కూడా చాలా సార్లు ఆత్మహత్య చేసుకోవాలని అనిపించిందని వ్యక్తులు మరణించాకే వారు చేసిన పనులను గౌరవిస్తారని అనిపించడంతో తాను కూడా కొన్నిసార్లు చనిపోవాలనుకున్నట్లు వెల్లడించింది. ఆమె నిర్మాతగా మారి ఒక నిర్మాణ సంస్థ కూడా ప్రారంభించింది. తన నిర్మాణ సంస్థలో చేసిన సినిమాకి కూడా నేషనల్ అవార్డు లభించింది. ఆ సినిమాకు ఆమె సోదరుడు నితిన్ చంద్ర దర్శకత్వం వహించారు.
Also Read: Vikram Satires on media: ముఖాలు మార్ఫ్ చేసి ప్రచారం చేశారు.. వారిపై విక్రమ్ అసహనం!
Also Read: Thank You Trailer: ఒక మనిషిని పట్టుకుని వేలాడే ప్రేమ కంటే.. స్వేచ్ఛగా వదిలేయగల ప్రేమ ఎంతో గొప్పది!
స్థానిక నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.Twitter , Facebook
