ఇంగ్లండ్‌తో సిరీస్ సందర్భంగా టీమ్ ఇండియాలో ఏకంగా నలుగురు క్రికెటర్లు డెబ్యూ చేశారు. వీరిలో సర్ఫరాజ్ ఖాన్, రజత్ పాటిదార్, ఆకాష్ దీప్, ధృువ్ జురేల్ ఉన్నారు. మొత్తానికి కీలకమైన స్టార్ ఆటగాళ్లు లేకుండానే టీమ్ ఇండియా ఇంగ్లండ్ సిరీస్‌ను 3-1తో చేజిక్కించుకోవడం విశేషం.

విరాట్ కోహ్లీ ఒక్కడే కాదు..కేఎల్ రాహుల్ సైతం ఈ సిరీస్‌కు దూరంగా ఉన్నాడు. రాహుల్ మొదటి టెస్ట్ ఆడి 88, 22 పరుగులు చేశాడు. ఆ తరువాత మ్యాచ్‌లు ఆడలేదు. ఇక శ్రేయస్ అయ్యర్ సైతం రెండవ టెస్ట్ తరువాత జట్టుకు దూరమయ్యాడు. 

వాస్తవానికి విరాట్ కోహ్లి ఇంగ్లండ్ టెస్ట్‌సిరీస్‌లో టీమ్ ఇండియాలో ఉన్నాడు. కానీ వ్యక్తిగత కారణాలతో అన్ని మ్యాచ్‌లకు దూరంగా ఉన్నాడు. విరాట్ కోహ్లీ ఇటీవలే రెండవసారి తండ్రి అయ్యాడు. ఈసారి కొడుకు పుట్టాడు. కోహ్లీ స్థానంలో టీమ్ ఇండియాకు రజత్ పాటిదార్ ఆడాడు.