Viral Video: వినాయక నిమజ్జనం వేళ అద్భుతం.. గణపయ్య మెడలో చేరిన నాగు పాము.. వీడియో వైరల్..

Jagitial news: గణపయ్య నిమజ్జనంకు ముందు అద్బుతమైన ఘటన చోటు చేసుకుంది. ఒక నాగుపాము.. వినాయకుడి మెడలో నాగుపాము ఎక్కికూర్చుంది. దీనికి సంబంధించిన వీడియో ప్రస్తుతం సోషల్ మీడియాలో వైరల్ గా మారింది.

Real snake appears on Ganesh idol in jagitial video:  దేశ వ్యాప్తంగా వినాయక చవితి ఉత్సవాలు ఘనంగా జరుగుతున్నాయి. ఎక్కడ చూసిన కూడా ప్రత్యేకంగా మండపాలను ఏర్పాటు చేసి గణపయ్య విగ్రహాలను ఏర్పాటు చేశారు. అంతేకాకుండా.. వినాయకుడికి ప్రత్యేకంగా పూజలు నిర్వహించుకుంటూ ప్రత్యేకంగా నైవేద్యం సమర్పించుకుంటున్నారు. చాలా మంది భజనలు చేస్తు తమ భక్తిని సైతం చాటుకుంటున్నారు. చిన్న పిల్లల నుంచి పెద్ద వాళ్ల వరకు కూడా.. గణేష్ ఉత్సవాలను ఎంతో గ్రాండ్ గా నిర్వహిస్తున్నారు. 

జగిత్యాలలో వింత

గణపయ్య మెడలో "నాగాభరణం"గా వచ్చి చేరిన నాగుపాము
గణపతి నవరాత్రి ఉత్సవాల సందర్భంగా సెప్టెంబర్ 16న (సోమవారం) జగిత్యాల పట్టణంలో ఈ వింత చోటుచేసుకుంది. pic.twitter.com/boTtvvytCZ

— Mr. Mohan (@kundenapally_12) September 16, 2024

గణపతి బొప్పా మోరియా అంటూ కూడా నినాదాలు చేస్తున్నారు. సాధారణంగా పాము అనేది శివుడికి కంఠాభరణంగా ఉంటుందని మనకు తెలిసిందే. అదే విధంగా పాము గణేషుడికి కడుపుకు కూడా ఆధారంగా ఉంటుంది. పామును నాగదేవతగా భక్తితో కొలుచుకుంటారు. పాములు కన్పిస్తే చాలా మంది అపకారం చేయకుండా స్నేక్ సొసైటీ వాళ్లకు సమాచారం ఇస్తారు. ఈ క్రమంలో ఒక పాము... ఏకంగా గణపయ్య విగ్రహాం మీద ఎక్కి కాసేపు హల్ చల్ చేసింది. దీనికి సంబంధించిన వీడియో ప్రస్తుతం వైరల్ గా మారింది.

పూర్తి వివరాలు..

జగిత్యాలలోని ఒక వినాయక మండపంలో అద్భుతం చోటు చేసుకుంది. స్థానికంగా.. వాణి నగర్ లోని త్రిశూల్ యూత్ ఆధ్వర్యంలో.. 40 అడుగుల గణపయ్యను ఏర్పాటు చేశారు. ఈ క్రమంలో ఈరోజు (సెప్టెంబరు 16న) ఒక వింత ఘటన చోటు చేసుకుంది. ఒక నాగు పాము వినాయకుడి మండపంకు వచ్చింది. అది ఏకంగా గణేషుడి మెడలో ఎక్కింది. అక్కడే కాసేపు బుసలు కొడుతూ ఉండిపోయింది. దీంతో అక్కడి వారు గమనించి భక్తి పారవశ్యంలో మునిగిపోయారు.

ఒకవైపు గణేషుడి మెడలో పాము ఉండటంతో పాటు..  శివుడికి ఇష్టమైన సోమవారం నాడు ఈ ఘటన చోటు చేసుకొవడంతో స్థానికులు  పెద్ద  ఎత్తున ఈ వినాయకుడి దగ్గరకు వచ్చారు. పాముతో పాటు, గణేషుడికి కూడా ప్రత్యేకంగా పూజలు చేస్తున్నారు. ఈ వీడియో ప్రస్తుతం సోషల్ మీడియాలో వైరల్ గా మారింది. దీన్ని చూసిన నెటిజన్లు గణేషుడి మహిమగా చెప్పుకుంటున్నారు. మరికొందరు వావ్.. గణేషుడి మీద సర్పం ఆభరణంగా.. భలే ఉందే..అంటూ కూడా కామెంట్లు జతచేస్తున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.