ఇటీవలే పెళ్లి చేసుకుని, ఇండియాలో అంగరంగ వైభవంగా రిసెప్షన్ పార్టీ ఇచ్చి సౌతాఫ్రికా సిరిస్ కోసం కేప్ టౌన్ వెళ్లిన విరాట్ కోహ్లీ తన బెటర్ హాఫ్‌తో అక్కడ ఏం చేస్తున్నారో చూడండి. కేప్ టౌన్‌లోని ఓ షాపింగ్ మాల్‌లో షాపింగ్ చేస్తున్న ఈ సెలబ్రిటీ కపుల్‌ని కనిపెట్టిన అక్కడి వారు.. ఈ ఇద్దరినీ తమ మొబైల్ కెమెరాల్లో బంధిస్తూ కనిపించారు. అలా ఆన్‌లైన్‌లోకి వచ్చిన ఈ వీడియో ఇప్పుడు సోషల్ మీడియాలో హల్‌చల్ చేస్తోంది. అక్కడున్న వాళ్లంతా తమనే చూస్తోంటే.. సిగ్గుతో చచ్చిపోయినట్టుగా అనుష్క వెంటే తలదించుకుని, ఆమె అడుగులో అడుగేస్తూ వెళ్తున్న విరాట్ కోహ్లీని చూస్తోంటే పాపం అనిపిస్తోంది కదూ!!
Checkout this video of @imVkohli and @AnushkaSharma spotted while shopping in Cape Town!#Viruksha pic.twitter.com/sKy1SzuZf1
— Virat Kohli¹⁸ (@ViratCrew) January 3, 2018
ఇక విరాట్ కోహ్లీ సేన ముందున్న క్రికెట్ సవాళ్ల విషయానికొస్తే, సౌతాఫ్రికాలో అడుగుపెట్టిన టీమిండియా.. 3 టెస్ట్ మ్యాచ్‌లు, 6 వన్డే మ్యాచ్‌లు, 3 టీ20 ఇంటర్నేషనల్స్ ఆడనుంది. విదేశీ గడ్డపై జరుగుతున్న ఈ సిరీస్ ఎలాగైనా గెలిచితీరుతామని కోహ్లీ సేన ధీమా వ్యక్తంచేస్తోంది. రేపటి నుంచి ప్రారంభం కానున్న ఈ సిరీస్ ఫిబ్రవరి 24వ తేదీ వరకు జరగనుంది.
