స్మార్ట్ ఫోన్ ( Smart phone ) అయినా..స్మార్ట్ ఫోన్ యాక్సెసరీస్ ( Smart phone Accessories ) అయినా సరే షియోమీ ( Xiaomi ) నే ప్రస్తుతం ట్రెండింగ్ లో ఉందని చెప్పవచ్చు. సూపర్ ఫాస్ట్ వైర్ లెస్ ఛార్జర్ ను ప్రవేశపెట్టిన షియోమీ ఇప్పుడు సూపర్ ఫీచర్స్ కలిగిన ఇయర్ బడ్స్ రంగంలో దింపుతోంది.
స్మార్ట్ ఫోన్, స్మార్ట్ టీవీ..అంతా స్మార్టే. అందుకే ఈ ఉత్పత్తులతో పాటు వీటి యాక్సెసరీస్ కు ఎక్కువ డిమాండ్ ఉంటోంది. స్మార్ట్ ఫోన్లతో పాటు యాక్సెసరీస్ లో కూడా చైనా కంపెనీలు ముందంజలో ఉంటున్నాయి. ఇందులో ప్రముఖంగా చెప్పుకోవల్సింది షియోమీ గురించి. తాజాగా సూపర్ ఫాస్ట్ వైర్ లెస్ ఛార్జర్ ( Super fast wireless charger ) ను మార్కెట్లో దింపి సంచలనం సృష్టిస్తోన్న షియోమీ ఇప్పుడు మరో ఉత్పత్తిని దింపుతోంది.
అద్భుతమైన ఫీచర్లతో ఎంఐ ఎయిర్ 2 ప్రొ ( MI Air 2 pro ) పేరుతో వైర్ లెస్ ఇయర్ బడ్స్ ను ప్రవేశపెట్టింది. ప్రస్తుతానికి చైనా మార్కెట్లో మాత్రమే ఇవి అందుబాటులో ఉన్నాయి. ఇండియన్ మార్కెట్లో ఎప్పడదేని ఇంకా ప్రకటించలేదు. యాక్టివ్ నాయిస్ క్యాన్సిలేషన్ ఫీచర్ తో ఉన్న ఈ ఇయర్ బడ్స్ చైనాలో ప్రస్తుతం 7 వేల 8 వందలకు లభ్యమవుతున్నాయి.
ఈ సరికొత్త వైర్లెస్ ఇయర్‌ఫోన్‌లు 3 - మైక్ హైబ్రిడ్ నాయిస్ క్యాన్సిలేషన్, 35 డెసిబుల్‌ వరకు సౌండ్ సపోర్ట్ కలిగి ఉన్నాయి. అంతేకాక, ఇందులో మెరుగైన బేస్ , సౌండ్ క్వాలిటీ కోసం 12 ఎంఎం డైనమిక్ డ్రైవర్లను ఉపయోగించినట్లు షియోమీ సంస్థ వెల్లడించింది. ఎంఐ ఎయిర్ 2 ప్రో వైర్లెస్ ఇయర్‌ఫోన్‌లో సిలికాన్ ఇయర్ టిప్స్ , స్టెమ్ డిజైన్డ్ ఇయర్ బడ్స్ ఉంటాయి. కేస్ డిజైన్ ఎంఐ ట్రూ వైర్లెస్ ఇయర్ ఫోన్స్ 2 ను పోలి ఉంటుందని షియోమీ పేర్కొంది. ఈ వైర్లెస్ ఇయర్ బడ్స్ ఛార్జింగ్ కేసుతో పాటు దాదాపు 28 గంటల బ్యాటరీ బ్యాకప్‌తో రానుంది. ఛార్జింగ్ కేస్ లేకుండానే యాక్టివ్ నాయిస్ క్యాన్సిలేషన్‌తో ఏకంగా 7 గంటల వరకు పని చేస్తుందని షియోమీ తెలిపింది.
ఈ ఇయర్ బడ్స్ ఫుల్ ఛార్జ్ కావడానికి ఓ గంట సమయం పట్టినా కేవలం 10 నిమిషాల పాటు ఛార్జింగ్ తో 90 నిమిషాల ప్లే బ్యాక్ టైం పొందవచ్చు. అంతేకాదు ఈ ఇయర్ బడ్స్ ఆపరేటింగ్ డిస్టెన్స్ కూడా ఎక్కువే ఉంది. పది మీటర్ల వరకూ పని చేస్తాయి. అతి తక్కువ బరువు కేవలం 60 గ్రాములు మాత్రమే ఉండటంతో అత్యంత సౌకర్యంగా ఉంటుంది. Also read: https://zeenews.india.com/telugu/social/xiaomi-launching-the-new-fastest-wireless-charging-technology-30299Wireless Charger: త్వరలో సూపర్ ఫాస్ట్ వైర్ లెస్ ఛార్జింగ్ మొబైల్ ఫోన్లు
