కరోనాపై పోరాటానికి రోహిత్ శర్మ భారీ విరాళం

మహమ్మారిపై పోరాటంలో సెలబ్రిటీలు తమ వంతు పాత్ర పోషిస్తున్నారు. ఈ క్రమంలో భారత స్టార్ క్రికెటర్ రోహిత్ శర్మ తన వంతు సాయాన్ని అందించాడు.

ముంబై: కరోనా వైరస్ మహమ్మారిపై పోరాటంలో రాజకీయ, సినీ, క్రికెట్, వ్యాపార, ఇతర రంగాల సెలబ్రిటీలు తమ వంతు పాత్ర పోషిస్తున్నారు. ఈ క్రమంలో కరోనాపై పోరాటానికి భారత స్టార్ క్రికెటర్ రోహిత్ శర్మ  (Rohit Sharma) తన వంతు సాయాన్ని అందించాడు. కరోనాను ఎదుర్కొనేందుకు తన వంతుగా రూ.80 లక్షలు విరాళం అందించినట్లు వెల్లడించాడు. ఈ మేరకు హిట్ మ్యాన్ రోహిత్ శర్మ ట్వీట్ చేశాడు.  శుభవార్త.. మళ్లీ తగ్గిన బంగారం ధరలు

We need our country back on feet & the onus is on us. I’ve done my bit to donate 45lakhs to #PMCaresFunds, 25lakhs to #CMReliefFund Maharashtra, 5lakhs to @FeedingIndia and 5lakhs to #WelfareOfStrayDogs.Let’s get behind our leaders and support them @narendramodi @CMOMaharashtra

— Rohit Sharma (@ImRo45) March 31, 2020

ప్రధాన మంత్రి రిలీఫ్ ఫండ్ (PMCaresFunds)కు రూ.45 లక్షలు, మహారాష్ట్ర సీఎం సహాయనిధికి రూ.25 లక్షలు, ఫీడింగ్ ఇండియాకు రూ.5 లక్షలు, స్ట్రే డాగ్స్ కోసం రూ.5లక్షలు అందజేసినట్లు హిట్ మ్యాన్ రోహిత్ తన ట్వీట్‌లో పేర్కొన్నాడు. కరోనాపై పోరాడేందుకు శ్రమిస్తున్న ప్రధాని నరేంద్ర మోదీకి, మహారాష్ట్ర సీఎం, అధికారులకు తోడుగా నిలవాలని సైతం పిలుపునిచ్చాడు రోహిత్ శర్మ.  రూ.51 కోట్ల భారీ విరాళం ప్రకటించిన BCCI