NZW vs INDW: చెలరేగిన న్యూజిలాండ్‌ బ్యాటర్‌లు.. భారత్‌ లక్ష్యం 261!!

ICC Women's World Cup 2022, NZW vs INDW: మహిళల వన్డే ప్రపంచకప్‌ 2022లో భాగంగా టీమిండియాతో జరుగుతున్న వన్డేలో న్యూజిలాండ్‌ భారీ స్కోర్ చేసింది. నిర్ణీత 50 ఓవర్లలో 9 వికెట్లు కోల్పోయి 260 రన్స్ చేసిన న్యూజిలాండ్.. భారత్ ముందు 2621 పరుగుల లక్ష్యాన్ని ఉంచింది.

Pooja Vastrakar four fer restricts New Zealand to 260/9: ఐసీసీ మహిళల వన్డే ప్రపంచకప్‌ 2022లో భాగంగా సెడ్డెన్‌ పార్కు స్టేడియంలో టీమిండియాతో జరుగుతున్న వన్డేలో న్యూజిలాండ్‌ భారీ స్కోర్ చేసింది. నిర్ణీత 50 ఓవర్లలో 9 వికెట్లు కోల్పోయి 260 రన్స్ చేసిన న్యూజిలాండ్.. భారత్ ముందు 2621 పరుగుల లక్ష్యాన్ని ఉంచింది. కివీస్ బ్యాటర్లు అమీ సత్తర్​వైట్ ​(75), అమెలియా కెర్ ​(50) హాఫ్ సెంచరీలు చేయగా.. కెటీ మార్టిన్​(41), సోఫీ డివైన్​(35) రాణించారు. భారత బౌలర్లలో పూజా వస్త్రాకర్​ 4 వికెట్లు తీయగా.. రాజేశ్వరి గైక్వాడ్​ 2, ఝులన్​ గోస్వామి ఓ వికెట్​ తీశారు.

ఈ మ్యాచులో టాస్‌ గెలిచిన భారత్‌ తొలుత బౌలింగ్‌ ఎంచుకువడటంతో న్యూజిలాండ్‌ బ్యాటింగ్‌కు దిగింది. ఇన్నింగ్స్ ఆరంభంలోనే కివీస్ జట్టుకు టీమిండియా పేసర్ పూజా వస్త్రాకర్ షాక్ ఇచ్చింది. ఓపెనర్ సుజీ బేట్స్‌ (5)ను రనౌట్ చేసింది. ఈ సమయంలో కెప్టెన్‌ సోఫీ డివైన్‌ (35), అమెలియా కెర్ జట్టును ఆదుకున్నారు. స్ట్రైక్ రొటేట్ చేస్తూ పరుగులు చేశారు. దాంతో కివీస్ స్కోర్ 50 పరుగులు దాటింది. అనంతరం  పూజా బౌలింగ్‌లో డివైన్‌ క్యాచ్ ఔట్ అయింది.

అమీ సత్తర్​వైట్, అమెలియా కెర్ మంచి భాగస్వామ్యం నెలకొల్పడంతో కివీస్ స్కోర్ 120 చేరుకుంది. హాఫ్ సెంచరీ చేసిన అమెలియా పెవిలియన్ చేరినా.. మ్యాడీ గ్రీన్‌ అండతో సత్తర్​వైట్ ఇన్నింగ్స్‌ను ముందుకు నడిపింది. ఈ క్రమంలోనే సత్తర్​వైట్ అర్ధ శతకం చేసింది.  ఈ జోడి నిష్క్రమణ అనంతరం కెటీ మార్టిన్ 41 పరుగులు చేయడంతో కివీస్ భారీ స్కోర్ చేసింది. 

Innings Break!

A solid performance with the ball by #TeamIndia ! 👏 👏

4⃣ wickets for @Vastrakarp25
2⃣ wickets for Rajeshwari Gayakwad
1⃣ wicket each for @JhulanG10 & @Deepti_Sharma06

Over to our batters now. 👍 👍

Scorecard▶️ https://t.co/zZzFTtBxPb#CWC22 | #NZvIND pic.twitter.com/0lqxUpjb8y

— BCCI Women (@BCCIWomen) March 10, 2022

భారత పేసర్ పూజా వస్త్రాకర్‌ తన కోటా పది ఓవర్లలో 4 వికెట్లు పడగొట్టి 34 పరుగులు ఇచ్చింది. రాజేశ్వరీ గ్రైక్వాడ్‌ 2, దీప్తి శర్మ ‌, గోస్వామి చెరో వికెట్‌ పడగొట్టారు. అనంతరం చేధనకు దిగిన టీమిండియాకు ఆదిలోనే షాక్ తగిలింది. ఓపెనర్ స్మృతి మంధాన 6 పరుగులకే ఔట్ అయింది. ప్రస్తుతం భారత్ 10 ఓవర్లలో ఒక వికెట్ నష్టానికి 26 రన్స్ చేసింది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి. 

Android Link - https://bit.ly/3hDyh4G

Apple Link - https://apple.co/3loQYe