Mohammad Siraj: మొహమ్మద్ సిరాజ్. క్రికెట్ ప్రేమికులెవరకీ పెద్దగా పరిచయం అవసరం లేని పేరు. అద్భుతమైన పేస్‌తో అరుదైన రికార్డులు సొంతం చేసుకున్న టీమ్ ఇండియా పేసర్ హైదరాబాదీ సిరాజ్ త్వరలో ఓ ఇంటివాడు కానున్నాడు. సిరాజ్ పెళ్లికి సంబంధించి పూర్తి వివరాలు తెలుసుకుందాం..
ప్రపంచకప్ 2023లో అద్భుతంగా రాణించిన టీమ్ ఇండియా పేసర్ మొహమ్మద్ సిరాజ్. భారత జట్టుకు ఆడిన ముగ్గురు పేసర్లలో ఒకడు. నిప్పులు చెరిగే బంతులతో ప్రత్యర్ధిని ఎలా కట్టడి చేయాలో బాగా తెలిసిన బౌలర్. కెప్టెన్ రోహిత్ శర్మకు అత్యంత నమ్మకమైన బౌలర్ కూడా. ఒకే ఓవర్‌లో నాలుగు వికెట్లు పడగొట్టిన ఏకైక బౌలర్ మొహమ్మద్ సిరాజ్. దిగువ మధ్య తరగతి కుటుంబంలో జన్మించిన మొహమ్మద్ సిరాజ్ అనతికాలంలోనే టీమ్ ఇండియాలో కీలకమైన బౌలర్‌గా మారాడు.
ప్రపంచకప్ 2023లో కూడా మెరుగైన ప్రదర్శన కనబర్చాడు. మొత్తం 11 మ్యాచ్‌లు ఆడి 33.50 సగటుతో 14 వికెట్లు పడగొట్టాడు. ఫైనల్‌లో ఆశించిన స్థాయి ప్రదర్శన లేకున్నా అంతకుముందు జరిగిన మ్యాచ్‌లలో అద్భుతంగా రాణించాడు. శ్రీలంకపై 16 పరుగులిచ్చి 3 వికెట్లు పడగొట్టాడు. 29 ఏళ్ల మోస్ట్ ఎలిజిబుల్ బ్యాచ్‌లర్ త్వరలో బ్రహ్మచర్యానికి స్వస్తి పలకనున్నాడు. త్వరలో పెళ్లి చేసుకుంటున్నట్టుగా వార్తలు వైరల్ అవుతున్నాయి. హైదరాబాద్‌కు చెందిన అమ్మాయిని పెళ్లిచేసుకోనున్నాడని తెలుస్తోంది.
సిరాజ్ పెళ్లికి సంబంధించిన వార్తలు రావడం ఇదేమీ తొలిసారి కాదు. గతంలోనే చిన్ననాటి స్నేహితురాలిని పెళ్లి చేసుకుంటున్నాడనే వార్తలు వైరల్ అయినా...సిరాజ్ దీనిపై స్పందించలేదు. ఇప్పుడు మరోసారి ఈ వార్త వైరల్ అవుతోంది. ఈ ఏడాది చివర్లో లేదా వచ్చే ఏడాది మొహమ్మద్ సిరాజ్ తన చిన్ననాటి స్నేహితురాలిని పెళ్లి చేసుకోనున్నాడని తెలుస్తోంది. ఇప్పుడు కూడా అధికారిక ప్రకటన లేకపోయినా దాదాపు ఖాయమనే సమాచారం వస్తోంది.
Also read: World Cup 2023: ప్రపంచకప్ 2023 మెగా టోర్నీలో అద్భుత ఘట్టాలు, అరుదైన విషయాలు, ప్రపంచ రికార్డులు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
