Surgical Strike: బాంబులతో దద్దరిల్లుతూ కన్పించే సిరియాలో మరోసారి దాడులు జరిగాయి. సిరియాలోని ఉగ్రవాద స్థావరాలపై రష్యా సర్జికల్ స్ట్రైక్స్ జరిపింది. భారీ సంఖ్యలో ఉగ్రవాదులు హతమైనట్టు ప్రకటించింది.
సిరియాలో (Syria) ఎప్పుడూ కల్లోలమే కన్పిస్తుంది. నిత్యం బాంబు దాడులతో ఆ దేశం తల్లడిల్లుతుంటోంది. గత కొన్నేళ్లుగా ఉగ్రవాదులు సామాన్యులపై చేసే దాడుల నేపధ్యంలో సిరియా పేరు ప్రముఖంగా విన్పించేది. ఈసారి సిరియాలోని ఉగ్రవాదులపై దాడులు జరిగాయి. సిరియాలోని ఉగ్రవాద స్థావరాలపై రష్యా సర్జికల్ స్ట్రైక్స్(Russia Surgical Strikes) జరిపింది. ఈ దాడుల్లో 2 వందల మంది ఉగ్రవాదులు హతమయ్యారని..24 వాహనాలు, 5 వందల కిలోల మందుగుండు సామగ్రి, పేలుడు పదార్ధాల్ని ధ్వంసం చేశామని రష్యా సైన్యం ప్రకటించింది. పల్మైరా ప్రాంతంలో ఉన్న క్యాంపులో ఉగ్రవాదులు పేలుడు పదార్ధాల తయారీలో శిక్షణ పొందుతున్నట్టు తెలిసిందని రష్యా సైన్యం తెలిపింది. ఈ సమాచారం మేరకు తమ సైన్యం సర్జికల్ స్ట్రైక్స్ జరిపిందని పేర్కొంది. ఇటీవల ఇద్దరు రష్యన్ సైనికుల్ని చంపినట్టు ఇస్లామిక్ స్టేట్ ప్రకటించిన సంగతి తెలిసిందే. ప్రతీకార చర్యల్లో భాగంగానే రష్యా ఈ దాడులు చేసింది. అయితే ఇస్లామిక్ స్టేట్( Islamic State) రష్యా జరిపిన సర్జికల్ స్ట్రైక్స్‌ను ఇంకా ధృవీకరించలేదు.
Also read: Coronavirus Alert: కరోనా ఉధృతి కారణంగా ఇండియాను రెడ్‌లిస్ట్‌లో చేర్చిన బ్రిటన్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
