રોકાણકારોને લાગ્યો 'કરંટ': એક સમાચારથી ધડામ થયો મલ્ટીબેગર શેર, એક જ દિવસમાં 1100 થી વધુનો ઘટાડો

Why Polycab India Share Falls: આજે (11 જાન્યુઆરી) શરૂઆતના વેપારમાં પોલિકેબ ઇન્ડિયાના શેરમાં 22 ટકાનો ઘટાડો થયો હતો. ગઈકાલે (10 જાન્યુઆરી) આવકવેરા વિભાગે કહ્યું હતું કે કંપનીની ઓફિસમાં સર્ચ કર્યા પછી, તેણે રૂ. 1,000 કરોડની "બેહિસાબ કેશ સેલ" શોધી કાઢી હતી. તેની અસર આજના કારોબારમાં જોવા મળી હતી અને ભાવ ગઈકાલના બંધ ભાવ કરતાં લગભગ રૂ. 500 નીચા ખુલ્યા હતા. ગઈ કાલે તે NSE પર રૂ. 4,911.85 પર બંધ થયો હતો, પરંતુ આજે તે રૂ. 4,420.70 પર ખૂલ્યો હતો.

મનીકંટ્રોલના એક સમાચાર અનુસાર, આ દરમિયાન એક્સચેન્જો પર 1,293 કરોડ રૂપિયાના અલગ-અલગ સોદા થયા હોવાની માહિતી પણ મળી છે. લગભગ 33 લાખ શેર ખરીદ્યા અને વેચાયા, જે કુલ શેરના 2.2 ટકા છે. જો કે, આ સોદાઓમાં ખરીદનાર કોણ હતા અને વેચનાર કોણ હતા તે જાણી શકાયું નથી.

એક જ દિવસમાં રૂ. 1100+ નું નુકસાન દર્શાવ્યું
સવારે 10:56 વાગ્યે પોલીકેબના શેર રૂ. 4,020 પર ટ્રેડ થઈ રહ્યા હતા. જોકે, આજે તે રૂ. 3,801ની નીચી સપાટીએ પહોંચી ગયો હતો. જ્યારે આ શેર રૂ. 3,801 પર હતો, ત્યારે તે એક જ દિવસમાં રોકાણકારોને રૂ. 1,111 રૂપિયાનો ઘટાડો દર્શાવે છે.

આ સ્ટૉકમાં વોલ્યુમમાં પણ આજે નોંધપાત્ર વધારો જોવા મળ્યો છે. સમાચાર લખાય તે પહેલા 20 લાખ શેરની આપ-લે થઈ હતી, એટલે કે તે વેચાઈ અને ખરીદવામાં આવ્યા હતા. જો આપણે એક મહિનાની દૈનિક સરેરાશ જોઈએ તો તે ત્રણ ગણી વધારે છે. આજનું ટ્રેડિંગ (11 જાન્યુઆરી) હજી પૂરું થયું નથી.

કંપનીના 25 લોકર કરવામાં આવ્યા હતા જપ્ત 
આપને જણાવી દઈએ કે આવકવેરા વિભાગના દરોડા દરમિયાન મહારાષ્ટ્ર, ગુજરાત અને દિલ્હીમાં કંપનીના 50 પ્રિમાઈસીસની સર્ચ કરવામાં આવી હતી. સમાચાર એજન્સી પીટીઆઈએ તેના અહેવાલમાં જણાવ્યું હતું કે સત્તાવાર સૂત્રોએ કંપનીના નામ તરીકે પોલિકેબ ઈન્ડિયા લિમિટેડની પુષ્ટિ કરી છે.

10 જાન્યુઆરીએ પોલિકેબ કંપની પર દરોડા અંગે સેન્ટ્રલ બોર્ડ ઓફ ડાયરેક્ટ ટેક્સિસ (CBDT)ના અધિકારીઓએ જણાવ્યું હતું કે આશરે રૂ. 1,000 કરોડના રોકડ વ્યવહારો શોધી કાઢવામાં આવ્યા છે, જેનો હિસાબ નથી. આવકવેરા વિભાગે ગયા વર્ષે 22 ડિસેમ્બરે કંપનીના પરિસરમાં તલાશી દરમિયાન ગરબડી પકડી પાડી હતી. કંપનીમાંથી રૂ. 4 કરોડથી વધુની બિનહિસાબી રોકડ જપ્ત કરવામાં આવી હતી. આ પછી, કંપનીના 25 થી વધુ બેંક લોકર જપ્ત કરવામાં આવ્યા હતા.