આ પ્રકારે પેટ્રોલ પંપો પર અટકી શકે છે ગ્રાહકો સાથે છેતરપિંડી! સુપ્રીમ કોર્ટે પણ સરકારને કહ્યું 'ધ્યાન આપો'

નવી દિલ્હી: દેશભરમાં ઘણા પેટ્રોલ પંપો પર ગ્રાહકો સાથે કરવામાં આવતી છેતરપિંડી વિરૂદ્ધ સુપ્રીમ કોર્ટનો દરવાજો ખખડાવવામાં આવ્યો છે. ટોચની કોર્ટે પોતે કેંદ્વ સરકાર અને પેટ્રોલિયમ મંત્રાલયને આદેશ કર્યો છે કે દેશભરમાં પેટ્રોલ પંપ પર છેતરપિંડી રોકવા માટે પારદર્શિતા અને નિષ્પક્ષતા માટે પગલાં ભરે. જસ્ટિસ એકે સીકરીની અધ્યક્ષતાવાળી બેંચે આ આદેશ આપ્યો છે.

જોકે, સુપ્રીમ કોર્ટમાં વકીલ અમિત સાહની દ્વારા દાખલ એક જનહિતની અરજી દાખલ કરવામાં આવી હતી. વકીલે પીઆઇએલમાં આરોપ લગાવ્યો હતો કે પેટ્રોલ પંપ પલ્સ મીટરમાં 'માઇક્રોચિપ' લગાવીને ઝડપથી ઇંધણ ભરવા અથવા બીજી રીત અપનાવીને ગ્રાહકોને ઓછું ઇંધણ વેચીને છેતરપિંડી કરે છે. અરજીમાં એ પણ કહેવામાં આવ્યું છે કે કેટલીક જગ્યાઓ પર ગ્રાહકોના વ્યવહારને જોતાં ઇંધણના માપને વધારવા અથવા ઘટાડવા માટે રિમોટનો ઉપયોગ કરવામાં આવી શકે છે.

આ ઉપરાંત સાહનીએ જનહિતની અરજીમાં એ પણ કહેવામાં આવ્યું છે કે સમાચારો અનુસાર, દેશભરમાં પેટ્રોલ પંપો પર છેતરપિંડી એટલી હદે વધી છે કે આ છેતરપિંડીને જોતાં પેટ્રોલિયમ મંત્રીએ પોતે રાજ્ય સરકારોને પેટ્રોલ પંપો પર ચોક્કસ નિરીક્ષણ કરવા અને ચિપ્સની તપાસ કરવાની સલાહ આપવામાં આવી હતી.

આવી છેતરપિંડીને રોકવા માટે અરજીમાં સલાહ આપવામાં આવી છે કે પેટ્રોલ પંપો પર ઇંધણ વેંડિંગ માટે ઉપયોગ કરવામાં આવનાર કાલી હોજ પાઇપોને બદલીને પારદર્શી પાઇપોનો ઉપયોગ કરવામાં આવે, જેથી ગ્રાહકો પોતાના વાહનોમાં નાખવામાં આવતાં ઇંધણને સ્પષ્ટ જોઇ શકે. તેમણે એ પણ સલાહ આપી કે માપની સાથે પારદર્શી ડિસ્પેંસર પણ પેટ્રોલ પંપો પર ફ્યૂલ વેંડિંગ મશીન સાથે એડ કરવામાં આવે જેથી ઇંધણ પહેલાં પારદર્શી ડિસ્પેંસરમાં ભરવામાં આવે અને પછી પારદર્શી નળીના માધ્યમથી વાહનમાં ભરવામાં આવે.