નગ્ન ફોટોશૂટને લઈને વધી શકે છે રણવીરની મુશ્કેલી, મહિલાએ નોંધાવી ફરિયાદ

મુંબઈઃ બોલીવુડ અભિનેતા રણવીર સિંહ વિરુદ્ધ ફરિયાદ દાખલ કરવામાં આવી છે. આ ફરિયાદ રણવીર સિંહ દ્વારા કરાવવામાં આવેલા ન્યૂડ ફોટોશૂટને કારણે કરવામાં આવી છે. ફરિયાદી મહિલા છે. મહિલાએ મુંબઈ પોલીસને કરેલી અરજીમાં કહ્યું કે રણવીર સિંહના નગ્ન ફોટોશૂટથી મહિલાઓની ભાવનાઓ દુભાઈ છે અને ગરિમાને ઠેંસ પહોંચી છે. મુંબઈ પોલીસ પાસે માંગ કરવામાં આવી છે કે રણવીર સિંહ વિરુદ્ધ કાર્યવાહી કરવામાં આવે. 

મુંબઈ પોલીસને એક અરજી આપી અભિનેતા રણવીર સિંહ વિરુદ્ધ સોશિયલ મીડિયા પર નગ્ન તસવીરો દ્વારા મહિલાઓની ભાવનાને ઠેંસ પહોંચાડવાના આરોપમાં એફઆઈઆર દાખલ કરવાની માંગ કરવામાં આવી છે. મુંબઈના ઉપનગરોમાં સ્થિત એક બિન-સરકારી સંસ્થાના પદાધિકારીએ ફરિયાદ અરજી ચેંબૂર પોલીસ સ્ટેશનમાં આપી છે. પોલીસના અધિકારીએ જણાવ્યું કે અરજીકર્તાએ કહ્યું કે અભિનેતાએ પોતાની તસવીરોથી મહિલાઓની ભાવનાને ઠેંસ પહોંચાડી અને તેની ગરિમાનું અપમાન કર્યું છે. 

આ પણ વાંચોઃ ન્યૂડ ફોટો બાદ ચર્ચામાં રણવીર સિંહ, હવે આ અભિનેત્રીએ કહ્યું- મેં તેને ઘણીવાર કપડા વગર જોયો છે

ફરિયાદીએ અભિનેતા વિરુદ્ધ ઈન્ફોર્મેશન ટેક્નોલોજી કાયદા અને આઈપીસીની વિવિધ કલમો હેઠળ કેસ દાખલ કરવાની માંગ કરી છે. પોલીસ અધિકારીએ કહ્યું- અમને એનજીઓ સાથે જોડાયેલી એક વ્યક્તિની અરજી મળી. હજુ સુધી કોઈ એફઆઈઆર દાખલ કરવામાં આવી નથી. અમે તપાસ કરી રહ્યાં છીએ.