સલમાનને મળી ગઈ 'છોકરી', Twitter પર પોતે કરી મોટી જાહેરાત

નવી દિલ્હી : સલમાન ખાન આખરે ક્યારે લગ્ન કરશે ? આ સવાલ, 'કટપ્પાએ બાહુબલીને કેમ માર્યો...?'થી પણ વધારે મોટો છે. છેલ્લા અનેક વર્ષોથી સલમાન ખાન તેના લગ્ન વિશેના સવાલ ટાળતો રહ્યો છે. હાલમાં જ શો 'બિગ બોસ 11'ના સ્ટેજ પર પહોંચેલી રાની મુખરજીએ સલમાન સાથે સીધી બાળકોની વાત જ કરી નાખી. જોકે હવે લાગે છે કે સલમાનને છોકરી મળી ગઈ છે. હાલમાં સલમાને ટ્વીટ કરીને એલાન કરી દીધું છે કે મને છોકરી મળી ગઈ છે. 

સલમાને થોડા સમય પહેલાં જ ટ્વિટર પર લખ્યું છે કે ,'मुझे लड़की मिल गई...'. હવે સલમાને આવું અધુરું એલાન કેમ કર્યું છે એનો ચોક્કસ જવાબ તો મુશ્કેલ છે. જોકે એ વાત સાચી છે કે જ્યાં સુધી સલમાન ખાન પોતે આ જાહેરાત પાછળના કારણની સ્પષ્ટતા ન કરે ત્યાં સુધી તેના ચાહકો જરૂર ખુશ થઈ શકે છે. 

Mujhe ladki mil gayi

— Salman Khan (@BeingSalmanKhan) February 6, 2018

કામની વાત કરીએ તો  હાલમાં સલમાન પોતાની ફિલ્મ 'રેસ 3'નું શૂટિંગ કરી રહ્યો છે. આ ફિલ્મમાં તેની સાથે જેકલિન ફર્નાન્ડિઝ, બોબી દેઓલ, ડેઇઝી શાહ તેમજ સાકિબ સલીમ જોવા મળશે. આ ફિલ્મનું ડિરેક્શન રેમો ડિસુઝા કરી રહ્યો છે.