CM યોગી આદિત્યનાથને મળ્યા રજનીકાંત, ગાડીમાંથી ઉતરીને તરત ચરણ સ્પર્શ કર્યા, જુઓ Video

સાઉથના સુપરસ્ટાર રજનીકાંત યુપીના લખનઉ શહેર પહોંચ્યા. પત્ની લતા પણ રજનીકાંત સાથે હતા. વાત જાણે એમ છે કે રજનીકાંતની ફિલ્મ જેલર બોક્સ ઓફિસ પર ટંકશાળ પાડી રહી છે. જ્યારથી રિલીઝ થઈ છે ત્યારથી તે ફિલ્મ થિયેટરોમાં ધૂમ મચાવી રહી છે. બે વર્ષ બાદ રજનીકાંતે મોટા પડદે વાપસી કરી છે તો આ વાપસી ધમાકેદાર તો રહેવાની જહતી. હવે જેલર હિટ થઈ ગઈ છે તો આવામાં રજનીકાંત ચાર ધામની જાત્રા અને ત્યારબાદ યુપીના મુખ્યમંત્રી યોગી આદિત્યનાથને મળવા માટે ગયા હતા. 

રજનીકાંત બદ્રીનાથના દર્શન કર્યા બાદ સીધા લખનઉ પહોંચ્યા. ત્યાં પહેલા ડિપ્યુટી સીએમ કેશવપ્રસાદ મૌર્યની મુલાકાત કરી. આ દરમિયાન રજનીકાંતની ફિલ્મ જેલરનું સ્પેશિયલ સ્ક્રિનિંગ પણ કરવામાં આવ્યું હતું. બંનેએ બપોરે 1.30 વાગે સાથે બેસીને ફિલ્મ જોઈ. લખનઉના ફીનિક્સ પ્લાસિયોના આયનોક્સ મેગાપ્લેક્સમાં ફિલ્મ જોઈ. ત્યારબાદ રજનીકાંત સીધા મુખ્યમંત્રી યોગી આદિત્યનાથને મળવા માટે તેમના ઘરે પહોંચ્યા. 

#WATCH | Actor Rajinikanth meets Uttar Pradesh CM Yogi Adityanath at his residence in Lucknow pic.twitter.com/KOWEyBxHVO

— ANI (@ANI) August 19, 2023

સોશિયલ મીડિયા પર એક એવો વીડિયો વાયરલ થયો છે કે જેમાં રજનીકાંત સીધા ગાડીમાંથી ઉતરીને મુખ્યમંત્રીના ચરણ સ્પર્શ કરતા જોવા મળ્યા છે. સીએમ યોગીએ ફૂલોનો ગુલદસ્તો આપીને રજનીકાંતનું સ્વાગત કર્યું. તેમને પૂરા આદર સત્કાર સાથે ઘરની અંદર લઈને ગયા. બંને વચ્ચે વાતચીત થઈ. આ સાથે જ એક પુસ્તક અને શોપીસ રજનીકાંતને સીએમ યોગીએ ગિફ્ટ કર્યા. આ ઉપરાંત લતા રજનીકાંત અને રજનીકાંતે સીએમ યોગી સાથે કેટલાક ફોટા પણ પડાવ્યા. થોડીવાર વાતચીત બાદ અભિનેતા ત્યાંથી હોટલ માટે રવાના થઈ ગયા હતા. 

प्रख्यात फिल्म अभिनेता श्री रजनीकांत जी से आज लखनऊ स्थित सरकारी आवास पर शिष्टाचार भेंट हुई।@rajinikanth pic.twitter.com/HIByc0aOO0

— Yogi Adityanath (@myogiadityanath) August 19, 2023

અત્રે જણાવવાનું કે રજનીકાંતની જેલર ફિલ્મ બોક્સ ઓફિસ પર ધમાલ મચાવી રહી છે. ફિલ્મની કમાણીની વાત કરીએ તો પહેલા દિવસે 48.35 કરોડ, બીજા દિવસે 25.75 કરોડ, ત્રીજા દિવસે 34.3 કરોડ, ચોથા દિવસે 42.2 કરોડ, પાંચમા દિવસે 23.55 કરોડ, છઠ્ઠા દિવસે 36.5 કરોડ,સાતમા દિવસે 15 કરોડ અને આઠમા દિવસે 10.2 કરોડની કમાણી કરીને પહેલા અઠવાડિયામાં 235.85 કરોડનું કલેક્શન કરી ચૂકી છે. વર્લ્ડ વાઈડ જોવા જઈએ તો જેલરે અત્યાર સુધીમાં 426.7 કરોડની કમાણી કરી છે. ઓડિયન્સ વચ્ચે આ ફિલ્મને લઈને ખુબ ક્રેઝ જોવા મળી રહ્યો છે. આંકડા જોઈને રજનીકાંત પણ ખુબ ખુશ છે.